مصر مش كدا

الصيف بالنسبة لى هو اسكندرية حتي لو رحنا مدن ساحلية تانية

لازم برضة اروح اسكندرية لان فيها سحر خاص

باليل احب اتمشي على الكورنيش او اعد عند البحر
وفى يوم كنت بتمشي فى المعمورة مع اولاد خالى
ولقينا الكافتريات البتعمل بيست واعده وتشغل دي جي
بصراحه انا مش بحب الحاجات دي اوى بس قولت ادخل معاهم اتفرج
الناس على الترابيزات وفية مصريين وفية اجانب وعرب .

طبعا عرفتهم من لبسهم العبايات والشماغات وخلافة ..

الدي جي على اعلى صوت وعلى البيست كان بترقص بنات مصريات
طبعا مش محتاجة اوصف لبسهم المقزز ولا رقصهم المستفز
وزاد وغطي كمان السمينات فيهم الكان منظر رقصهم مع حشرهم جوا الهدوم
خلاني اكاد اتقيأ امعائي ...

بصراحه صعبت عليا نفسي اوى ان العرب بيتفرجوا على بنات مصر كدا
وطبعا حيروحوا بلدهم يقولوا المصريات رقاصين كالعاده ..

فكرت اطلع اخد المايك واقول للجماهير كلمتين وان مصر مش كدا
واعدت مترددة فترة ومكسوفة اقوم من مكانى اصلا وبدات عنيا تدمع
كان الاحباط والياس والقهر وصل بيا لمنتهاه

بعد كدا حصل المش قدرت اتحملة اطلاقااااااا

طلع شبية الرجال على المسرح ومعاه المايك وحيا الجمهور واثني
على الماجدات الرقصوا وامتعوا الجمهور بوصلة الرقص الغجري
وبعدين راح قايل نشيد جمهورية مصر العربييييييييييية !!!!

انا بصيت كدا ودقات قلبي بات سرييييعه .. اية دا حيقول اية
والاقي المزيكا بتدق وهو بيغني حبيبي ياعيني اااااااه يا مسهر عيني ااااااااااه

هنا انا ضغطي وصل 200 ودقات قلبي كانت حتفجر ضلوعي

قمت بسرعه وكنت ميتة من العياط
لا مهو لحد كدا وكفايا وصلت للرقص والمسخرة والتريقة على نشيد مصر
قام ابن خالى بسرعه ورايا وقالى رايحة فين قولتلة مش قادرة استحمل

قلة ادب وسفاقة هما حرين بس متوصلش لنشيد مصر كمان
قالى طب استني نحاسب ونقوم كلنا .. قولتلوا روحنى وارجع تانى
وصلني قرب البيت وقولتلة خلاص كفايا كدا ارجع عشان الباقيين
المهم لقيت فى وشي ( قسم شرطة المعمورة )

كنت مخنوقة وحاسة كأن تشوية سمعه مصر بالشكل دا

اسوء من جيش احتلال دخل مصر وقتل الشعب كله

وهنا قررت انى ادخل واقدم بلاغ فى البيستخدموا اسم مصر بشكل رخيص

الغريبة انى مخفتش ومش عارفة ازاى جاتلى الجرأة لدخول قسم شرطة

دخلت ومنهارة طبعا وكل الفى القسم بيسالوا مالك ويبصوا باستغراب

سألت عسكري عايزة اقدم بلاغ راح مشاورلى على مكتب دخلتة
لقيت فيه ظابط رحت دخلة وانا مش قادرة امسك نفسي من العياط
حتي مش قادرة اتكلم .. الراجل اعد يسالنى مالك فى اية ؟ حد ضايقك ؟
حد عملك حاجة ؟ حد حد ؟؟ لما بدات اهدي واحكيلة الموضوع حسيت ان الظابط
وكل القاعدين بيبصولى باستغراب واندهاش جدااا كأنى مجنونة

او مش متوقعين ان حد لسة متحمس للبلد بالشكل المرضي دا

الظابط اعد يهديني وقال للعسكري روح شوف الكافتريا دي

وهاتلى الواد بتاع الدي جي من هناك وسالنى اسمها اية ؟
انا قمت واقفة على طول وقولت لا مش عايزة حد يضرر بسببي ..

انا بس عايزاكم تنبهوا عليهم محدش يجيب سيرة مصر

وهو بيرقص وبيعمل كدا على الاقل .. وكنت لازلت منفعله

ضحك واعد يقولى طب خلاص خلاص هدي نفسك بس

ولما هديت شوية وجابولي مية
(اه بجد دخلت قسم شرطة واحترموني جدا

وجابولى مية والظابط عزم على بلمون بس انا رفضت)

قمت اروح باه وانا ضميري مستريح ان الشرطة حتتولى الموضوع
ولما روحت البيت وحكيت لهم على الحصل كانوا برضة مستغربين
بس بابا زعل مني عشان دخلت قسم شرطة لوحدي !!

وقالى من امتى تدخلى اقسام شرطه وتقدمي بلاغات
دنتي المرة الوحيده الدخلتى يوم ما كنتى بتعملى البطاقة

قولتلة انا قررت ادخل اى قسم شرطة مختص بالمكان

الحلاقي فية اى شئ يضر بسمعه مصر
حتي لو واحد بيرمي ورق فى الشارع وبيبوظ شوارع البلد

الشرطة معمولة لخدمة البلد مش منظر وخلاص
ومش حينفع كل واحد يقول وانا مالى .. لازم كلنا نقول مصر مش كدا

بس بيني وبينكم ان مكنش معايا بطاقة اصلا

لانها بتضيع مني ولما طلعت بدل فاقد مره كانت شغلانة

فمش بشيل معايا اثبات الا كارنية النادى بس

وبعدين هو ولا سالنى فين بطاقتك عشان يكتب بلاغ !!

اممممم هو اصلا مكتبش حاجة .. تفتكروا خدنى على قد عقلي ؟

اكيد خدني على قد عقلي ..

بس برضة مصر مش كدا والله العظيم مصر مش كدا

زي بكره اتولد القمر

سقيناك سم العـــــروبة حتى شبعت

رميناك في نار عمان حتى احترقت
أريناك غدر العروبة حتى كفــــرت

لماذابارض النفاق لماذا ظــــــــــــهرت
فنحن شعوب من الجاهلـــــــــــية

ونحن التقلب ونحن التذبذب والباطنية
نبــــــايع أربابنــــا في الصــــباح

ونأكلـــــــهم حين تـــــأتى العـــــــشية

قتلناك يا حبنا وهوانـــــا
وكنت الصديق وكنت الصدوق وكنت أبانا
وحين غسلنا يدينا اكتشفنا بانا قتلنا منانا
وأن دمائك فوق الوسادة كانت دمانـــــــا

نفضت غبار الدرويش عــنا أعدت إلـــــــينا صـــــــــــــــبانا
وسافرت فينا إلى المســتحيل وعلمــــتنا الزهو و العفـــــوانا
ولكن حين طال المسير علينا وطــالت أظافــرنا ولحــــــــنا

قتلنا الحصان فتبت يدانا تبـــــت يدانا
أتينا إليك بعاهتنا وأحقادنا وأنحرافتنا
إلى أن ذبحناك ذبحاً بسيف أســـــــانا
ليتك في أرضنا ما ظهرت وليتك كنت نبي ســـــوانا

أبا خالداً
يا قصيدة شعر تقال فيخضر منها الميلاد
إلى أين إلى أين يا فارس الحلم
وما الشوط حين يموت الجــواد
كل الأساطير ماتت بموتك .. وانتحرت شهرزاد
وراء الجنازة سارت قريش .. فهذا هشام وهذا زيــــــــــاد
وهذا يريح الدموع عليك.. وخنجره تحت ثوب الحداد
وهذا يجاهد في نومه ..وفى الصحو يبكى عليه الجهاد
وهذا يحاول بعدك ملكً .. وبعدك كل الملوك رماد
وفود الخوارج جاءت جميعاً لتنظم فيك قصيدة عشق
فمن كسروك ومن صلبوك بباب دمشق

أنادى عليك أبا خالداً
واعرف إني أنادى بواد
وأعرف انك لن تستجيب وأن الخوارق ليست تعاد

نزار قباتي

كلمات اغنية البلوج إهداء لروح الزعيم جمال عبد الناصر

فى ذكرى مولده يوم 15 يناير عام 1918

رحمة الله تعالى وأسكنة فسيح جناتة

وطن الحرية ووطن الحنية

اخبرتني فى احد المكالمات التليفونية الدائمة بيننا ان اخيها

سوف يسافر الى امريكا

سعدت بشده لانة كان حلم حياته السفر لامريكا بصفه خاصة

دون عن سائر البلدان

كانت تمثل لة الحلم والامل فى مستقبل مزدهر ومشرق

وها قد جائتة الفرصة اخيرا وسيسافر الى ارض الاحلام والحرية

باركت لها واثنيت على استمرار سعية لتحقيق حلمة حتي وصل الية

واستغربت صديقتي من رد فعلى لانها تعلم وجهه نظرى حول امريكا

والسفر لها والتعلق بها وبالحياة فيها

فأخبرتها اننى سئمت فرض التعلق بوطن على شباب هجرهم وطنهم

ولم يصبح مسئول عنهم والحياة فية معناته دمار لحاضرهم ومسقبلهم

وهذا لن يكون عدل منى لانة ظلم للشباب ولطموحهم فى بناء مستقبلهم

واضفت انة لا مانع من تغيير الفكر عندما يثبت خطأوة

كنت منذ عرفتها من اكثر من 11 سنة وصرنا اعز اصدقاء

وتبادلنا الزيارات العائلية وصار اخوانها اخوانى وصرت اعرفهم جيدا

واعرف ان هذا طموح اخوها وغاية امالة وشئ جميل ان يحققة اخيرا ..

ورغم ما نسمعه عن اضطهاد العرب هناك وسوء المعاملة لهم

لكن كنت مطمئنة على اخو صديقتي لانه كمسيحي سيحظي

بنوع اخر من الحرية والمعاملة الحسنة والاطمئنان بينهم وهذا ما يفتقده هناك

اخوانه من نفس الوطن ولكن جريمتهم فى امريكا هو انهم مسلمين

وهذا كفيل بتعليق اى جريمة عليهم حتي وان كانت فى ولاية لم تطؤها قدمهم

وسافر وبدات اسال صديقتي عن احوالة من آن لاخر ولكنها كانت تخبرني

بانه غير سعيد وبانه يواجه مشاكل عديده منذ نزولة لارض المطار

تكمن فى مضايقات الامن والساعات التى قضاها يحاول تبرير سبب وجوده

وكأنه متهم مسبق وله جرائم سابقة التجهيز وعلية ان يبرء نفسه منها

وبعد ذلك اخفاقة فى الالتحاق باحد الكليات لمعادله شهادتة ولن يستطيع

الاستمرار الا بوظيفة لا تتناسب مع مؤهله الجامعى كخريج اعلام

توقعت انها مشاكل لابد منها لاى شخص فى بداية سفرة لاى دولة

ولكن بعد فترة قصيرة من سفره اخبرتنى انه سيعود !!

استغربت كثيرا وحزنت بشده

لماذا يعود بعد ان توه وضع قدمه على اول طريق تحقيق حلمة !!

وفي يوم السبت 6 يناير اتصلت بها للترتيب حتي نخرج سويا يوم العيد

ففوجئت بها تستعد للنزول لاستقبالة فى المطار ..

وتانى يوم اتصلت لتهنئتها بعيد الميلاد المجيد والاطمئنان على اخيها

وانه قد اتى بالسلامه وان عليها ان تطيب خاطرة وتهدا نفسة

فكان بالعكس تماما وهو انه غير حزين على العوده بل على الذهاب

وانه راي هناك ما اساءة وجعله يغير فكرته عن وطن الحرية ووطن الديمقراطية

سردت لى الكثير والكثير حول اكذوبة هذا الوطن

وكيف ان من بعد السابعه مساء لا يستطيع اى انسان الخروج بدون سيارة

وكيف ينتشر فى الشوارع المجرمين وقطاع الطرق والمجانين والعاهرات

وكيف لا يوجد هناك دين ولا عفه ولا اخلاق ولا امن ولا امان

وهنا تاكدت ان نظرتي لامريكا كانت ولازالت صائبة

وفلا احترام لكل من هو ليس امريكي فاين الحرية والاحترام للاخرين

اين الحرية فى انك لا تستطيع الخروج بحريتك فى الوقت الذي تشاؤه

كما نجدها فى مصر ولساعات متاخرة جدا

اين احترام حرية الراي والفكر والعرق التى يدعون لها فى الشرق الاوسط

فى حين ان كل ماهو غيرهم موضع اشتباة وتجريم ؟

نعم فحرية امريكا هي العنصرية والاساءة للاديان وللاعراق فى جوانتناموا

نعم فحقوق الانسان الامريكية هي ابو غريب والقتل وسفك الدماء بدون محاكمة

نعم فعدالة امريكا هي سرقة خيرات الدول واحتلالها وتكبيد شعوبها واحتكار موارده

نعم فالامن فى امريكا هو الفوضي التى سببتها فى العراق وافغانستان

وفى لبنان وفلسطين باوامرها وبسياسة الكيل بعشرين مكيال

حتي المسيحيين الشرقيين ليسوا كمسيحيين الغرب فى ميزان امريكا

ويعتبروا مسيحيين من الدرجة الثانية على حد تعامل الكنائس الغربية معهم

كل ماهو عربي هناك مدان فاين العدل والحق والشرعيه

ان تذهب الى الكنيسة هناك فهو الغير طبيعي بخلاف اننا فى مصر

تجد الطفل يذهب الى كنيستة ومتعلق بها كما يذهب لمدرستة وبيته واهله

تجد الصفه العامه فى بناتنا الادب والالتزام الا قلة ونعتبرهم شاذين

اما فى امريكا العكس تمام .. قالت لى صديقة امريكية من اصل عربي

ان الفتاه اذا ظلت عذراء الى زواجها فيشك فيها الزوج ؟؟؟؟؟؟؟؟؟؟؟

!نعم فعلى حد قولها يتوقعها اما متدينة لدرجة التشدد ! او لا يرغب فيها احد

هذا هو فكرهم الاخلاقي المستنير

حقا الدين فى مصر

والمسيحيه والمسيحي الحقيقي هو فى مصر

والاسلام والمسلم الحقيقي هو من فى مصر

وهنا نعي من جديد ونتاكد ان مصر رغم عيوبها وسلبياتها واخطاء البعض

الى انها لازالت بلد الامن والامان والحرية لكل الاديان

بلد الاخوة والتسامح لكل المسلمين والمسيحيين وللجميع

قد نتفق او نختلف حولها ولكن بالمقارنة بغيرها سنري عذوبتها وصفائها

غير المتسامح فى مصر ننتقده وغير المهذب ننتقده

اى ان سلوكيات الافراد الغير سويه ننتقدها ونتبرا منها

اما فى امريكا فالغير سوي هو الطبيعي وغيره هو الشاذ

فالنذهب كما نشاء الى كل الاوطان ونجرب

وطن الديمقراطية ووطن المال ووطن التقدم

ووطن الحرية .. ولكن ستبقي مصر هي وطن الحنان والامان