مصر مش كدا
الصيف بالنسبة لى هو اسكندرية حتي لو رحنا مدن ساحلية تانية
لازم برضة اروح اسكندرية لان فيها سحر خاص
باليل احب اتمشي على الكورنيش او اعد عند البحر
وفى يوم كنت بتمشي فى المعمورة مع اولاد خالى
ولقينا الكافتريات البتعمل بيست واعده وتشغل دي جي
بصراحه انا مش بحب الحاجات دي اوى بس قولت ادخل معاهم اتفرج
الناس على الترابيزات وفية مصريين وفية اجانب وعرب .
وفى يوم كنت بتمشي فى المعمورة مع اولاد خالى
ولقينا الكافتريات البتعمل بيست واعده وتشغل دي جي
بصراحه انا مش بحب الحاجات دي اوى بس قولت ادخل معاهم اتفرج
الناس على الترابيزات وفية مصريين وفية اجانب وعرب .
طبعا عرفتهم من لبسهم العبايات والشماغات وخلافة ..
الدي جي على اعلى صوت وعلى البيست كان بترقص بنات مصريات
طبعا مش محتاجة اوصف لبسهم المقزز ولا رقصهم المستفز
وزاد وغطي كمان السمينات فيهم الكان منظر رقصهم مع حشرهم جوا الهدوم
خلاني اكاد اتقيأ امعائي ...
طبعا مش محتاجة اوصف لبسهم المقزز ولا رقصهم المستفز
وزاد وغطي كمان السمينات فيهم الكان منظر رقصهم مع حشرهم جوا الهدوم
خلاني اكاد اتقيأ امعائي ...
بصراحه صعبت عليا نفسي اوى ان العرب بيتفرجوا على بنات مصر كدا
وطبعا حيروحوا بلدهم يقولوا المصريات رقاصين كالعاده ..
وطبعا حيروحوا بلدهم يقولوا المصريات رقاصين كالعاده ..
فكرت اطلع اخد المايك واقول للجماهير كلمتين وان مصر مش كدا
واعدت مترددة فترة ومكسوفة اقوم من مكانى اصلا وبدات عنيا تدمع
كان الاحباط والياس والقهر وصل بيا لمنتهاه
بعد كدا حصل المش قدرت اتحملة اطلاقااااااا
طلع شبية الرجال على المسرح ومعاه المايك وحيا الجمهور واثني
على الماجدات الرقصوا وامتعوا الجمهور بوصلة الرقص الغجري
وبعدين راح قايل نشيد جمهورية مصر العربييييييييييية !!!!
على الماجدات الرقصوا وامتعوا الجمهور بوصلة الرقص الغجري
وبعدين راح قايل نشيد جمهورية مصر العربييييييييييية !!!!
انا بصيت كدا ودقات قلبي بات سرييييعه .. اية دا حيقول اية
والاقي المزيكا بتدق وهو بيغني حبيبي ياعيني اااااااه يا مسهر عيني ااااااااااه
هنا انا ضغطي وصل 200 ودقات قلبي كانت حتفجر ضلوعي
قمت بسرعه وكنت ميتة من العياط
لا مهو لحد كدا وكفايا وصلت للرقص والمسخرة والتريقة على نشيد مصر
قام ابن خالى بسرعه ورايا وقالى رايحة فين قولتلة مش قادرة استحمل
لا مهو لحد كدا وكفايا وصلت للرقص والمسخرة والتريقة على نشيد مصر
قام ابن خالى بسرعه ورايا وقالى رايحة فين قولتلة مش قادرة استحمل
قلة ادب وسفاقة هما حرين بس متوصلش لنشيد مصر كمان
قالى طب استني نحاسب ونقوم كلنا .. قولتلوا روحنى وارجع تانى
وصلني قرب البيت وقولتلة خلاص كفايا كدا ارجع عشان الباقيين
المهم لقيت فى وشي ( قسم شرطة المعمورة )
قالى طب استني نحاسب ونقوم كلنا .. قولتلوا روحنى وارجع تانى
وصلني قرب البيت وقولتلة خلاص كفايا كدا ارجع عشان الباقيين
المهم لقيت فى وشي ( قسم شرطة المعمورة )
كنت مخنوقة وحاسة كأن تشوية سمعه مصر بالشكل دا
اسوء من جيش احتلال دخل مصر وقتل الشعب كله
وهنا قررت انى ادخل واقدم بلاغ فى البيستخدموا اسم مصر بشكل رخيص
الغريبة انى مخفتش ومش عارفة ازاى جاتلى الجرأة لدخول قسم شرطة
دخلت ومنهارة طبعا وكل الفى القسم بيسالوا مالك ويبصوا باستغراب
سألت عسكري عايزة اقدم بلاغ راح مشاورلى على مكتب دخلتة
لقيت فيه ظابط رحت دخلة وانا مش قادرة امسك نفسي من العياط
حتي مش قادرة اتكلم .. الراجل اعد يسالنى مالك فى اية ؟ حد ضايقك ؟
حد عملك حاجة ؟ حد حد ؟؟ لما بدات اهدي واحكيلة الموضوع حسيت ان الظابط
وكل القاعدين بيبصولى باستغراب واندهاش جدااا كأنى مجنونة
لقيت فيه ظابط رحت دخلة وانا مش قادرة امسك نفسي من العياط
حتي مش قادرة اتكلم .. الراجل اعد يسالنى مالك فى اية ؟ حد ضايقك ؟
حد عملك حاجة ؟ حد حد ؟؟ لما بدات اهدي واحكيلة الموضوع حسيت ان الظابط
وكل القاعدين بيبصولى باستغراب واندهاش جدااا كأنى مجنونة
او مش متوقعين ان حد لسة متحمس للبلد بالشكل المرضي دا
الظابط اعد يهديني وقال للعسكري روح شوف الكافتريا دي
وهاتلى الواد بتاع الدي جي من هناك وسالنى اسمها اية ؟
انا قمت واقفة على طول وقولت لا مش عايزة حد يضرر بسببي ..
انا قمت واقفة على طول وقولت لا مش عايزة حد يضرر بسببي ..
انا بس عايزاكم تنبهوا عليهم محدش يجيب سيرة مصر
وهو بيرقص وبيعمل كدا على الاقل .. وكنت لازلت منفعله
ضحك واعد يقولى طب خلاص خلاص هدي نفسك بس
ولما هديت شوية وجابولي مية
(اه بجد دخلت قسم شرطة واحترموني جدا
(اه بجد دخلت قسم شرطة واحترموني جدا
وجابولى مية والظابط عزم على بلمون بس انا رفضت)
قمت اروح باه وانا ضميري مستريح ان الشرطة حتتولى الموضوع
ولما روحت البيت وحكيت لهم على الحصل كانوا برضة مستغربين
بس بابا زعل مني عشان دخلت قسم شرطة لوحدي !!
وقالى من امتى تدخلى اقسام شرطه وتقدمي بلاغات
دنتي المرة الوحيده الدخلتى يوم ما كنتى بتعملى البطاقة
دنتي المرة الوحيده الدخلتى يوم ما كنتى بتعملى البطاقة
قولتلة انا قررت ادخل اى قسم شرطة مختص بالمكان
الحلاقي فية اى شئ يضر بسمعه مصر
حتي لو واحد بيرمي ورق فى الشارع وبيبوظ شوارع البلد
حتي لو واحد بيرمي ورق فى الشارع وبيبوظ شوارع البلد
الشرطة معمولة لخدمة البلد مش منظر وخلاص
ومش حينفع كل واحد يقول وانا مالى .. لازم كلنا نقول مصر مش كدا
ومش حينفع كل واحد يقول وانا مالى .. لازم كلنا نقول مصر مش كدا
بس بيني وبينكم ان مكنش معايا بطاقة اصلا
لانها بتضيع مني ولما طلعت بدل فاقد مره كانت شغلانة
فمش بشيل معايا اثبات الا كارنية النادى بس
وبعدين هو ولا سالنى فين بطاقتك عشان يكتب بلاغ !!
اممممم هو اصلا مكتبش حاجة .. تفتكروا خدنى على قد عقلي ؟
اكيد خدني على قد عقلي ..
بس برضة مصر مش كدا والله العظيم مصر مش كدا
posted by الزعيـمة @ 10:03 AM
43 comments
43 Comments:
أكيد خدك على قد عقلك
مصر مش هتبقى كده اما احنا منكنش كده بس للأسف خلاص احنا بقينا كده
عارفه عجبتينى اوى فى المضووع دا بجد الواحد بيحس بكدا واقسام الشرطه مش كلها بهدله البهدله للمجرمين
عجبتنى غيرتك على بلدك بجد انتى حلوه من جواكى
انتي مدعوة
لافتتاح مدونتي
يوم السبت
الساعة 2 ظهرا
ما تنسي الهدية
ويا جارتي خبري جارتك
:p :p
شىء فظيع ومقرف اللى بيحصل وانتى معاكى حق فى التصرف اللى عملتية انتى عملتى اللى عليكى الظابط قدر ولا مقدرشى مش مهم المهم موقفك الايجابى الرائع دة
احيي فيكى احساسك المتحضر الراقى بالإنتماء لتراب هذا البلد وغيرتك المقدره على سمعته
ما قصصتيه علينا كاشف عن انسانه ذات مبدأ له منا كل الإحترام وليتنا نقلدك في مثله
تحياتى لك يا زعيمه
أنتى فعلا والله يا بنتى خسارتك فى البلد دى!! احيى فيكى وطنيتك وشعورك بالانتماء
كلامك ده بيأكد أن مصر بلد جميلة بس للأسف ناسها عايزين يتولع فيهم
أحب أقولك أنك اكيد اتاخدتى على قد عقلك!! وأنه مش بعيد كمان يكون الظابط قعد يضحك عليكى مع أصحابه بعد ما مشيتى
مصر هتبقى جميلة فعلا لو فيها ناس كتيرة زيك كده
manal
ازيك يا زعيمة
عاملة ايه ؟؟؟
نا فعلا يوم عن التاني بيزداد احترامي ليكي و بحس انك فعلا من " بقايا الناس المحترمة اللي في البلد "
عارفة
انت تصرفك عادي
بس هي البلادة اللي ماشية و السلبية البشعة ..خلت الكل منفض و الكل مكبر و خلي انك تبقي شاذة وسط حتي اهلك في تفكيرهم
معلش ... انا بحيي فيكي بجد ايجابيتك و ياريت مش مجاملة تراسليني - لو ممش يضايقك - انا الميل بتاعي علي المدونةبتاعتي و مش عارفة اعتر لك علي ميل علشان اراسلك بجد لانه يشرفني معرفة من هن مثلك
ارق التحية لك :)
اللة عليكي يا زعيمة...بجد موقف أحسدك علي شجاعتك و غيرتك علي مصر فية و العموم اللي حصل في الدي جي مش جديد بس هو امتداد لحالة تردي عامة وصلنا لها في أمور كتير....هوا أنتي مش بتشوفي الاغاني القدسمة ريكو و سعد و الاشكال دة عملوا فيها اية
بخصوص الضابط...أتمني ميكونش خدك علي قد غفلك بس لو هوه عندة ذرة نخوة حيرح يهد المكان علي دماغهم
أنتم تقولون أنكم لستم كذالك و نحن نقول أننا لسنا كذالك
لكننا لسنا إلا كذالك
الواقع هو المقياس
الله عليكى بنت بلد صحيح
عجبنى تصرفك وغيرتك على البلد واى انسان عندة انتماء الى بلدة لازم يعمل كدة
تحياتى
te3rafi..?
ana mota2aked en elzabett da 7atta law kan akhadek 3ala 2ad 3a2lik ... men gowah 7as bgheera mennik 3ala i3tezazik bebaladik ...
momken di tekoon bedayet no2tet ta7awol felnas elli lamaso 7obik da lelbalad ...
eltaghyeer beyebtedi b 7agaat baseeta mosh malmoosa betghayar elnaas be7agat zay di te3alem feehom w homa ma3 nafsohom be3eed 3an zeef elnaas ..!!!
a7ayeeki..!!
طبعا حلو جدا اللى انتى عاملتيه ده بس العرب دول ملهمش ذنب احنا اللى فرطنا فى كرامتنا من زمان صدقينى مفروض الحكومة والريس يتكسفوا من نفسهم اما فى اى مظاهرة الناس ترفع صورة عبد الناصر مش صورة الريس يعنى الناس بتترحم على ايامه
على اسم مصر التاريخ يقدر يقول ما شاء
أنا مصر عندي أحب وأجمل الأشياء
باحبها وهي مالكه الأرض شرق وغرب
وباحبها وهي مرميه جريحة حرب
باحبها بعنف وبرقة وعلى استحياء
واكرهها وألعن أبوها بعشق زي الداء
واسيبها واطفش في درب وتبقى هي ف درب
وتلتفت تلقيني جنبها في الكرب
والنبض ينفض عروقي بألف نغمة وضرب
Mohamed A. Ghaffar
لا مش كلنا بقينا كدا
فية شباب بيحبوا مصر من قلوبهم
حتي ولو اقلية بس برضة فية
cat_eyes(همس الليل)
نورتي المدونة عزيزتي
فعلا مش كل اقسام الشرطة بهدلة
لان فية ضباط ولاد ناس ومحترمين جدا
ربنا يخليكي وانتى ومرورك الاحلى
اسم مؤقت
مبروك على المدونة وان شاء الله
تكون منبر لكل خلق وفضيلة
اعذوريني مش دخلت النت جمعه وسبت
بس اكيد حزور مدونتك الجميلة
شربات
اهلا عزيزتي
اول خطوة عزيزتي شربات
هو العمل الايجابي وبعد كدا
الاستجابة حتيجي اكيد لما كلنا
نكون ايجابيين فى تصرفاتنا وحرصنا على البلد
حبيبها أنا
شكرا على هذا الاطراء الذي لا استحقة
اى واحد من ابناء مصر كان حيعمل اكتر من كدا .. انا مجرد بلغت لاني اكسفت اقوم واتكلم واعرف الاساءوا لمصر حدودهم على الملأ واحرجهم
واكيد كلنا مش حنسكت بعد كدا
على اى اهانة لمصرنا شرفنا وعرضنا
albida
اهلا منولة
خسارة اية يا بنوته هو انا اطول ابقي مصرية ! دي نعمه والهي بس لو رجعنالها هيبتها وعزتها وكرامتها
بصي انا 90 فى المية اتاخدت على قد عقلي زي ما بتقولى فعلا
واكيد شبعوا ضحك عليا كمان
بس مش مشكلة طالما فية ناس زيك
لسة معانى حب مصر جواهم عميييييقة
شــــمـس الديـن
اهلا شمس المدونات الحمد لله انا بخير
ويا رب تكونى انتى كمان فى اسعد حال
ربنا يخليكي على الكلام الجميل دا
ووالله انا سعادتى كلها فى مرور الناس الطيبة والقلبها على البلد زيك
بيشرفني التعرف عليكي وان شاء الله
حبعتلك ايميل النهاردة
والف شكر على كلامك الرائع
ويا رب اكون عند حسن ظنك
micheal mohsen
اهلا مايكل اخبارك ؟
بصراحه مش حاسة انى كنت شجاعه ولا حاجة
تعرف ؟! انا اعدت اراجع نفسي كتير
ومش عارفة لية اكسفت اقوم اهب فى البنات العلى البيست وامسك المايك واقول ان مصر لن تكون لامثالكم
ولا نشيدها نغمات لتسيب اخلاقياتكم بس معرفش اية العقد لساني بالشكل دا
دنا كنت مكسوفة حتى اقوم من مكانى
بالنسبة للاغانى بتاعه سعد وريكو وكدا
فهناك مقولة بتقول ان الفن مرآة المجتمع يعني تقريبا بيعبر عن اخلاق الناس ومستواهم الفكري والاجتماعي
والظاهر بقي مجتمعنا مدمن عنببببببب
tazart
اهلا عزيزتي
الواقع ممكن يتغير لو احنا اتغيرنا
كل واحد جواه بذرة خير ووطنية
بس لو يحاول ينميها البلد كلها حتتغير
tamer
الله يخليك وانا متاكده ان اى حد مكانى
كان عمل كدا واكتر وصمم يتكتب المحضر قدامه ويروح يتابع الموضوع
وحاجات كتير اوى انا مش عملتها
بس يلا باه لو حصل تانى مش حوصيكم
el2ahwagi
اتمنى يكون موقفي غير شئ ولو بسيط
انا مش بقدر اقف واخطب فى الجماهير
لان معنديش ملكة الخطابة اوي وبكسف من رد الفعل الاكيد بيكون اندهاش واستغراب بس ححاول امرن نفسي انى ادافع عن بلدي بكلام مرتب وموزون
اصل برضة التغيير محتاج قوة وتماسك
مينفعش كل ما اشوف موقف يزعلنى اعيط
يمكن لانى تفاجات ان فية الناس ممكن يهينوا البلد بالشكل دا وفى رمز سيادة البلد كمان وهو النشيد الوطني و العلم
مصر هى أمى
العرب ملهمش ذنب صحيح
بس هما برضة لما بينزلوا مصر مش بيروحوا الا للاماكن الفيها غناء ورقص
يعني لو بيروحوا مكتبة الاسكندرية ويشوفوا المعالم الاثرية والعلمية
فى مصر كلها من الدلتا للصعيد
اكيد كانوا حيقابلوا ناس زيكم ويقدروا يحكموا على البلد بشكل صحيح
اما صور عبد الناصر البتترفع فى المظاهرات فدا تعبير تلقائي عن احتياج الناس لزعامة قوية وطنية تجمعهم
الشعب محتاج رمز يلتف حولة وللاسف مفيش الوقتي الا رموز الفساد
مصطفيتش ابن حفصوتشا
اهلا مصطفي الحمد لله على السلامة
عملت اية فى الامتحانات ؟
شد حيلك كدا مش عايزين حد يشمت فينا
ويقول ادى اخر التدوين والمدونات
موتني من الضحك وانت بتقول اخلص فرجة واروح ابلغ عليهم
بجد انت اخر روقاان
نور التدوين بعودتك
محمد بدرى
على اسم مصر التاريخ
يقدر يقول ما شاء
أنا مصر عندي أحب وأجمل الأشياء
باحبها وهي مالكه الأرض شرق وغرب
وباحبها وهي مرميه جريحة حرب
باحبها بعنف وبرقة وعلى استحياء
طبعاااااااااا لانها مصر
اعزائي المدونين الكرام
تشرفت بمروركم واهتمامكم بالتعليق
واسعدني ان ناس كتيرة بان من ردها ان لو حصل اودامها الكلام دا
كانت عملت اكتر من كدا
الحمد لله ان مصر عندها شباب وبنات زيكم
ويا رب يكتر من امثالكم
وكلكم تكونوا اسر وعائلات
وتجيبوا بنين وبنات يحبوا مصر كدا
واكتر من كدا كمان لانها فعلا تستحق
ارق تحياتي لكم
مية مية
ربنا يصلح ليكى الحال يازعيمة
تحياتى ليكى
هههههههه
ايه يا زعيمة دة بس
في حد يعمل كدة برضه
هو اي نعم مش في زيك في الزمن دة بس تاكدي ان هو خدك علي قد عقلك فعلا
بس بجد بحييكي دة انتي اللي جريئة وشجاعه
تصدقي انك بجد خسارة في الزمن دة
والله انتي فعلا زعيمة
يعينى عليكى يا زعيمه
لسه حب مصر فى قلبك و لسه عندك انتماء و دى اعراض غريبه جداً اش من انفلوانزا الطيور
ربنا يكون معاكى و يشفيكى
تحياتى
واحد عنده نفس الى عندك
يااااااااه
بجد احترامى لييك زاد مليووون ضعف
الحب الرهيب الغير مبرر للبلد ده
والزعل لما اسمها يتهز
والعياط علشان خاطر اللى حصل بالشكل ده
بجد يا بنتى
روحى وانتى مصرية
روحى وانتى زعيمة
أنحنى لكى احتراما وأرفع القبعة تحية لجرئتك
ولحبك لبلدك
مصر مش كده
والله مصر مش كده
طول ما فيها ناس زيك
اية دة الجمال يازعيمة لابقى انتى عايزة تعظيم سلام كبير
تصرفك يدل على مدى طيبة قلبك وخوفك على البلد
ربنا يصلح ليكى الحال يارب واشوفك عروسة يازعيمة
This comment has been removed by the author.
ياه .. انا شوفت نفس المنظر وكنت حطق من الغيظ .. وطبعا حطق دي قليلة
لان اللي بيحصل فعلا ان العرب بيتعاملوا مع كل بنات مصر على انهم رقاصات وبقية الشعب شحاتين
ودي من الصورة اللي ناس زي دي بتطلعها عننا
معلش يا بنتي على حرقة الدم كلنا لها
هانى
اللهم آميييييين
الف شكر لمرورك
smraa alnil
اهلا سمورتي
والهي يا بنتي منا عارفة اية الحصل
بس مش قدرت استحمل الموقف البشع الاتشوه فية سمعه بلدي
هو اكيد بيحصل كل يوم فى كل مكان على ارض مصر بس انا قولت اعمل العلياوخلاص
الا كل ما افتكر منظر الضابط وهو فاكرني مجنونة وانا بتكلم
افطس من الضحك
نورتيني يا قمر
whyme
يا ساتر هو انا طلعت عيانة اوى كدا؟
طب يا رب يتعدي كل المصريين بالمرض الجميل دا ويديم عليك نعمه المرض بية انت كمان واشوف انفلونزا حب مصر مزكمة قلوبكم جميعاااااا
zordeak
بجد انا عاجزة عن الشكر
لهذا التقدير منك ووالهي يا جماعه انا مش عملت الا اقل الواجب فى حق
هذا الوطن الطيب الغالي المحتوينا كلنا
اكيد لو انتوا مكانى كان عملتوا اكتر
Amira
اهلا امورتي تسلميلي
يا رب اشوفك انتى عروسة واجمل عروسة
وربنا يهنيكي ويسعدك مع كل اهلك واحبابك واصحابك وتعيشي فى حب مصر
ohbebo
مصر كدا فى عيون العايزة تكون كدا
والكبت والفقر والبؤس الفى الوشوش دا عارفاه بس مش عشان مصر كدا عشان ناس عايزها تفضل كدا واهلها يفضلوا كدا بس احنا مش عايزنها تكون كدا ومش حتكون كدا طول ما احنا بنحبها وحندافع عن حبها
واية انتى دنكى خوت جدا دي .؟
LAMIA MAHMOUD
ما المشكلة يا لميا ان هي دي النظرة
الوخدنها عننا العرب وبرضة مش معذورين اوى ما هما المش بيجوا الا للحاجات دي ومش بيتعاملوا الا مع النوعيات دي من البشر
المهم انتى اخبارك اية ؟
اتمني ليكي كل سعادة ومعلش يا بنتي حرقت دمك وفكرتك بالمناظر دي
للجميع ارق تحياتي واطيب الامنيات
أحلى سلام على طول السلام للزعيمة اللى بجد
بصى دى أول مرة أدخل المدونة بتاعتك وشدنى الموضوع وليا تعليق بسيط
أنا شاب مصرى وشغال فى الكويت.. عايزة تعرفى العرب شايفيين مصر إزاى تعالى أحكيلك
واحد معايا فى الشغل قاللى أنا نزلت مصر أيام راس السنة والعيد وقعد يحكيلى،، وطبعا مش محتاج أقولك أنواع السهرات فى مصر خصوصا فى العيد وراس السنة
بعدها بكام أسبوع لقيت واحد بيقوللى أنا نزلت مصر يوم الخميس والجمعة اللى فاتوا عملنا سهرة خصوصى فى البيت وجبنا رقاصة ووووووو (بلاش عشان الرقابة) فاهمانى طبعا
حتى فى الاردن لقيت كل الناس حتى اللى عمرهم مانزلوا مصر فاكرين ان مصر يعنى ديسكو ورقاصة وبنات وخمور
هى دى مصر فى عيون العرب
مشهقول اكتر من كدة
تحياتى
أة صحيح
الضابط جابلك مية وعزم عليكى بعصير لانك بنت وبتعيط
بس تعالى خلى ولد يدخل ويقدم البلاغ دة لنفس الضابط، عارفة الرد هيكون أية؟؟
أنت مسطول ياروح أمك ولا بتستعبط
ومش بعيد ينادى على عسكرى يفتشة
هى دى للأسف مصر
مساء الخير
الزعيمه
بجد بجد احيي فيكي
الغيرة بجد دي مش مصر
.العَبدِالرَحَمن
على فكره التعبير ده يموت من الضحك و قمه فى الروعه فى وصف المرض
و انا بيتهيالى انه كمان ينفع شعار يتكتب فى الجرايد
اشوف انفلوانزا حب مصر مزكمه قلوبكم جميعاً
بجد عجبنى اوى
بس للاسف مش عارف اكتب اكتر من كده
يعنى لو شفتينى وانا بقراه هتعرفى ازاى عجبنى اوى
تحياتى
صديقكك المزكم
إسكندرية مش كدة حقولك على حاجة زى ما فية شباب بيروحوا الديسكو و بيضربوا مخدرات فية شباب زى الورد موجودين فى المنتديات الثقافية و الجامعة وبيحبوا البلد دى فوق ماتتصورى و مستعديين يعملوا أى حاجة علشان البلد بس دول مابيروحوش المعمورة على فكرة أنا إسكندرانى و عشت فى المعمورة كتييييييير
أحلى حاجة فيكى إنك مثالية بس زى ماإنتى برجليك روحتى المعمورة كان ممكن برجليكى برضة تروحى أى حتة تانية مافيهاش المناظر دى
الاخت الزعيمة
فعلا تصرفك مع هذا الحيوان يدل على انك فعلا زعيمة ..احييك من كل قلبى على هذا الموقف الشجاع ودخولك قسم من اقسام بوليس مصر رغم كل مانقرأه من حوادث تعذيب تجرى داخله احييك على شجاعتك...
اما بالنسبة للاسكندرية فى الصيف فاننى للاسف ابتعد عنها كلما استطعت وخاصة فى فصل الصيف واذهب الى الساحل الشمالى او اذهب الى مطروح رغم اننى اسكندرانى وعندما كنت اسير فى العجمى مع زوجتى واولادى كنت اشاهد من المناظر مايجعلنى العن اليوم الذى جعلنى اسكن هناك وللاسف الشديد بعض المصيفين المحترمين يعتقدون ان الشابات السكندريات فى منتهى الخلاعة رغم ان اغلب الاسكندرانية يغلقون بيوتهم ويذهبون فى العادة الى مرسى مطروح كما افعل انا....
الأباصيرى
اهلا بك ونورت المدونة
ونتمني مش تكون اخر مرة
انا عارفة السمعه الوحشة عن البلد فى كل دول الخليج بصفه خاصة بس لو انا منك وبسمع الكلام دا حقولهم لانكم نزلتوا للاماكن دي ولو كنتوا نزلتوا لاماكن تانية كان شفتوا غير كدا بس الطيور على اشكالها تقع
اما موضوع ان لو ولد دخل القسم وقال القولتة كان حيشتموه ويفتشوه حقولك يجوز بس ممكن مش حيدخل يعيط ويكون منهار لان بالنسبة للولد حيباة شكلة فعلا مسطول لكن لو دخل وقال كلمتين مترتبين وبعمق وجرأة فحيكون عامل زي آلاف الشباب بتوع التغيير وكفاية والفى بعض الاحزاب وكدا يعني
وحينال احترام اي شخص سواء ضابط او غيره
بس اتمنى انك مش تسكت لما تسمع اى حد بيجيب سيرة مصر بطريقة وحشة
وعرفهم انهم زاروا المكان اليشبههم واشكرك على اهتمامك بالرد
A L A B D E L R H M A N
صباح النور
اشكرك واتمني لبلدنا كل عزة وامان
whyme
هو بصراحه انت الادتني الفكرة بتاعت الشعار لما قولت انة اعراض غريبة وذكرت انفلونزا الطيور
يلا اعملنا موضوع فى مدونتك
يكون متخذ هذا الشعار منهج له
منور المدونة دائما وسعيدة بتواجدك
kaed
اولا انا مش معترضة على المعمورة كمكان ابدا بالعكس انا بحب المعمور وبحب انزل فيها لشبابيتها زي ما بحب المنتزة لارستقراطيتها
والموضوع مش بيتكلم عن المعمورة كمكان وحش اطلاقا ولا حتي ان الفية سكان المعمورة او سكان الاسكندرية بصفة خاصة بل فى الغالب بيكون الفي الاسكندرية فى الصيف مصطافين من مصر كلها اولها واخرها
وللمعلومية انا مش دخلت ملهي ليلي ولا ديسكو دا كافي شوب عادي جدا على البحر بس الظاهر وقت الصيف بيعملوا فية دي جي ودا موجود برضة فى العصافرة وعلى بلاج الضباط تحديدا
يعني مش مكان خارج ولا للكبار فقط
ولو وقفت برة كنت حشوف برضة البيحصل لانة مش محوط ببناء دا مكشوف
وانت عارف فى المصيف الواحد بيخرج يتمشي ويتفسح مش بيكون زي ما هو فى مدينتة بيخرج للعمل او الجامعه فقط
ومعترضة انك تقول المعمورة والمناظر دي
لان المناظر دي فى اى مكان فى مصر مش المعمورة لكن قولت المعمورة
لانى بتكلم عن حدث حصل بالفعل
و فكرة البوست هو شكل مصر فى اى مكان
واسكندرية دي مصر برضة ويمكن احب جزء
فى مصر عندي لان ليا فيها ذكريات مش ممكن تتعوض ولا تتنسي
وسعيده ان حد من اهلها زار مدونتي
سيبها على الله
اشكرك لمرورك وتعليقك
وانا مهما اروح الساحل الشمالي او طابا او اى مكان الا اسكندرية بحبها بجنون وهي فعلا مدينة جميلة وخفيفة
والمشكلة ان المصطافين نفسهم بيغيروا جلدهم فى الاسكندرية
يعني عشان مكان مش معروفين فية فتلاقي يلبسوا ملابس لا يمكن يلبسوها فى مدنهم
وممكن برضة عشان مصيف والواحد فى الرحلات او المصايف بينطلق شوية ويفكها زي ما بيقولوا
وسمعت كتير من اسكندرانية انهم وقت الصيف بيسيبوا المدينة بتاعتهم لازدحامها الشديد وبيطلعوا مدن ساحلية اخري لكن تفضل للاسكندرية سحر خاااااااص
تشرفت بمروركم جميعا
تقبلوا فائق الاحترام والتقدير
الزعيمة الجميلة
تحياتى لكى الشديدة على حبك لمصر وخوفك عليها واحترامك الشديد لها
اتمنى ان صورة مصر تتحسن ونعرف ان مصر لها علينا حقوق ولازم نحافظ عليها
تحياتى لكى يازعمتى
وحلوة اوى الاغنية اللى انتى حاطها للجميلة أم كلثوم
انتى ماجوبتيش على اسئلة التاج ليه احنا فى انتظار اجوبتك
سلاااااااااام
زعيمة..أنا عملتلك تاج في البلوج بتاعي..يا ريت تشرفيني بالزيارة
تحياتي لكي
دولة للرفقة والسكة البطالة هكذا ارادوها
سلام قبل الكلام
انا زائر لأول مرة للبلوج بتاعك واحب اننا نتعرف
عجبني اسلوبك التلقائي الجميل
بخصوص الموضوع انا بصراحة فخور ان لسه فيه حد زيك كده، بس يا ريت رد فعلك تجاه السخافات اللي زي دي يكون ابسط من كده يعني تحرجي المخلوق ده قدام الناس احسن ميت مرة من بلاغ في القسم لأن انتي نسيتي ان الشرطة عامل مهم بيساعد في تخريب البلد
اتمنى ان احنا نبقى اصدقاء واتمنى انك تشرفيني في البلوج بتاعي
سلام يا زعيمة يا وطنية يا ناصرية
نسيت معلش
انا بخصوص موضوعك ده هعجل بسرعة بإدراج خاطرة شاب عربي مع دخول الاحتلال بلاده في البلوج بتاعي اتمنى انك تتابعيني لو مش يضايقك
عاشقة الوطن الطيبة
اتمني ان كلنا نحافظ على سمعه مصر
اكتر ما بنحافظ ونهتم بسمعتنا
وبالنسبة للتاج شايفة مايكل اهه بعتهولى وان شاء الله حجاوب
مايكل
ميرسي انك مررتهولي
وعجبتني جدااا اجاباتك وسعيده
بتقوية التعارف بين المدونين
shady
لا هما يريدوا اليريدوه
واحنا مش حنخليها الا دولة القيم والاخلاق هكذا نريدها وستكون
إبراهيم
اهلا بتواجدك وشرفت المدونة
بصراحه انا مش بعرف احرج حد
وصدمتي من الموقف بتضيع رد فعلى
بس ححاول اعدل من الجزئية دي فيا
اكيد حتابع مدونتك
واشوف الجديد لديك وفى انتظار الخاطرة
ارق تحياتي لمروركم الرائع
لو كان ينفع اقولها بس انتي للاسف مش راجل بس هي بتنطبق اوي عليكي : اخر الرجال المحترمين
ممكن نغيرها عشان خاطرك برضه
و نو كومنت اكتر من كدة لان اللي يقرا الموضوع و ميحسش اد ايه ان لسه فيه ناس محترة بالشكل ده في البلد يبقي ما يستاهلش يعيش فيها
هي الناس زمان ايام عرابي و قبل الثورة كانت لاقيه تاكل؟ اللي يقولك اه يبقي كداب في اصل وشه ، بس الناس دي كانت عندها غيرة ووطنية تكفي الدنيا كلها
حد كان يتصور ان اقوي دول العالم في وقتها اللي كانوا انجلترا و فرنسا يدخلوا بقواتهم لا و مين اللي يحاربهم؟؟ الفلاحين و الصيادين قبل الجيش و الشرطة حد يقدر يقوللي ان الناس كانت عايشة احسن مننا؟ و في ايه؟ ولا احنا بس شاطرين نمسك ايد ماما الحكومة و نقوللها عايزين؟ حاجة غريبة جدا كل حاجة وحشة في البلد نقول الحكومة الحكومة طب ما الحكومة برضة بشر و مصريين زينا يعني العيب مش فيها العيب فينا احنا احنا اللي مش بنعمل قيمة لنفسنا في اي حته و لا اي مكان و كفاية كدة عشان قربت اطق
elmanfada
شكرا على تعليقك واطراءك
بس من وجهه نظرى ان الرجولة مش نوع لان الرجولة مبادئ وقيم ممكن يتصف بيها اى انسان
الانواع للبشرية ذكر وانثي
اما الرجولة شئ تانى
يعني ليس كل ذكر رجل ولا كل رجل ذكر
الرجولة هي القيم الاخلاقية والانسانية
ممكن يتصف بيها ذكر او انثي
اتمني ان كل مصري حر يدافع عن بلده وسمعتها
اسعدني تواجدك وتعليقك
طبعا مصر مش كده....بس ده حتى الحكومة لما عملت حملة دعاية للسياحة "نورت مصر" كان الإعلان مليان رقصات عاريات و بنات لابسة بيكيني و ممثلات مصريات لا ناقة لهم و لاجمل الا تلويث سمعة مصر بأفلام رديئة و برامج ساذجة
و كأن مصر هي بلد الرقص و هز الوسط
لك الله يا مصر
للأسف ...
ومن بره اقول لك
مصر
في عيون الاخرين
كده ونص
لدرجة الواحد خلاص بقا مش قادر يرفع راسه
وياريت جات على الرقص
دا في حاجات كتيييير جدا
اولها الفهلوة والنصب
واخرها...
حسبي الله ونعم الوكيل في اللي وصل مصر لكده
اشكرك يا مها
يازعيمه انا لو مكانه هاخدك علي قد عقلك
نقطه الحساسيه عندنا قلت جدا عن النقطه اللي انتي بتفكري فيها
واضح انك كنتي مسافره
بالمناسبه اقدم بلاغ فين في بن اليعازر؟
ياااااااااااااااااااااااااااااااااه
أنا فرحان جدا جدا جدا أنك اتصرفتي بالشكل ده بجد أنا حسيت ان مفيش حد لسه بيحس على اسم مصر بالشكل ده بحييك من كل عقلي و قلبي بجد انت أثلجتي صدورنا جميعا...
بالنسبة لمصر هي مش كده خالص وربنا لأن اللي بيتحشر في القطر أول النهار و يقف في المحاضرة يسمع كلمتين و يتسمر قدام الكتاب اخر النهار مش ممكن تكون دي طريقة حياته بس لتقرير الحقائق و أنا هقول وألف وشي الناحية التانية أنا كنت في السعودية فتره وكان بيعاملوا الهندي يقولوله "صديج" أما المصري "دا حرامي ، نصاب ، ..."
أنا شايف أن الحل مش بايد حد غيرنا احنا اللي نصلح صورة مصر قدام الكل و اللي نايم ومش حاسس بأمه نصحيه و نقولله راعي أمك لأن مصر دي أمنا كلنا .
ولعلمك دمعتك اللي نزلت دي أغلى دمعه شفتها - في خيالي - في حياتي بحييك بشده و عنف.
it isnnot right to enter policestation.......suppose they upset u in such anyway........this what u saw is all over country.......even near to u
Post a Comment
<< Home