في مصر يدخلوها بأمان... والمصري عندهم لازم يتهان
الحكاية كما رواها الطبيب احمد زكي عبد الحافظ
انه وخلال عمله في مستشفى الزلفى العام بمدينة الزلفى بالسعودية
اصبح يعالج سيدة سعودية كبيرة في السن في بيتها
وعندما يشتد المرض على الام تقوم ابنتها بزيارة الدكتور
في المستشفى او في منزله اما لاخذ الادوية او لاستشارته
انه وخلال عمله في مستشفى الزلفى العام بمدينة الزلفى بالسعودية
اصبح يعالج سيدة سعودية كبيرة في السن في بيتها
وعندما يشتد المرض على الام تقوم ابنتها بزيارة الدكتور
في المستشفى او في منزله اما لاخذ الادوية او لاستشارته
وفي احد الايام وجد الدكتور جماعة من الامر بالمعروف
على باب بيته وطلبوا منه مرافقتهم وتبين انهم اعتقلوا الفتاة في الشارع
لانها تسير من غير محرم فاخبرتهم انها توجهت لمنزل الدكتور
لاخذ ادوية لامها المريضة فتم اعتقال الدكتور
على باب بيته وطلبوا منه مرافقتهم وتبين انهم اعتقلوا الفتاة في الشارع
لانها تسير من غير محرم فاخبرتهم انها توجهت لمنزل الدكتور
لاخذ ادوية لامها المريضة فتم اعتقال الدكتور
!!! بتهمة الخلوة غير الشرعية وتم جلده
اسرة الدكتور المقيمة في المعادي ذكرت ان الدكتور انهار
من شدة الخوف وتدهورت حالته الصحية ودخل غرفة العناية المركزة
في مستشفى الزلفى وطلبت اسرة الدكتور من المنظمة المصرية لحقوق الانسان
التدخل لانقاذ الدكتور ولوقف مسلسل جلد الاطباء المصريين في السعودية
الفضيحة كما يقول مراسل عرب تايمز نشرتها الصحف المصرية
وطالبت من الحكومة التدخل بعد تكرار الحادثة خاصة
وان السعوديين ومنهم امراء – مثل تركي – يقيمون في مصر
ويسكرون ويعربدون ويغتصبون وتنهش كلابهم المواطنين
دون عقاب او حساب بينما يتم جلد الاطباء المصريين
في قضايا ملفقة وتافهة
من شدة الخوف وتدهورت حالته الصحية ودخل غرفة العناية المركزة
في مستشفى الزلفى وطلبت اسرة الدكتور من المنظمة المصرية لحقوق الانسان
التدخل لانقاذ الدكتور ولوقف مسلسل جلد الاطباء المصريين في السعودية
الفضيحة كما يقول مراسل عرب تايمز نشرتها الصحف المصرية
وطالبت من الحكومة التدخل بعد تكرار الحادثة خاصة
وان السعوديين ومنهم امراء – مثل تركي – يقيمون في مصر
ويسكرون ويعربدون ويغتصبون وتنهش كلابهم المواطنين
دون عقاب او حساب بينما يتم جلد الاطباء المصريين
في قضايا ملفقة وتافهة
*****************
حد يفسرلى الكلام الكبير دا
!تهمه السير فى الطريق بدون محرم الاعتقال
! والخلوة الغير شرعية بدون سند او دليل الجلد
اين الاربعه شهداء على الخلوة الافضت الى زنا يا جيران الهنا ؟
بل اين جريمة الزنا كاملة الاركان حتي يقام حد الجلد ؟
دا دين جديد صناعه وهابية تقفيل بدوي ولا اية؟
ولا قوانين محطوطة لتطبق على المصريين فقط؟
طبعا مش حسال عن كرامة المصريين ودور السفارة المصرية
مش حسال عن حاجات ماتت من زمان
صحيح مصر البيت بيتهم
والمصريين عندهم بيطلع عينهم
posted by الزعيـمة @ 11:55 AM
39 comments
39 Comments:
اولا: احبك اطمنك عليه انا الحمد لله كويس اوي انا بس اعتقلت خمس ساعات وطلعت ثانيا: كرامه المصري اغتصبت من زمان هنا وفي الخارج بس احنا لازم وواجب علينا نشر الموضوع ده تحياتي ليكي
الزعيمة
كل مرة هقعد اقولك بوست حلو بوست حلو بقولك ايه بقولك ايه بوست حلو للى فات واللى جاى كمان
معلش اصل انا لسه مسطول من اللى سفته امبارح فى الاستفتاء المنيل بتاعنا
انا رحت بعد الشغل فضلت واقف ادام اللجنة بتاعتى من الساعة 5 الى الساعة 7 تصدقى بالله مدخلش غير بتاع 10 مواطنيين بس وفى الاخر يقولوا الاقبال هايل جدا يمكن الناس كانت لابسة طاقية الاخفا وهيا داخلة فمحدش شافهم غير العفاريت بتوع الحزب الوطنى
-------------------------------
بالنسبة للبوست بتاعك
انتى حضرتك زعلانة على كرامة المصريين فى السعودية طب عايزة ايه من الحكومة المصرية هيا كانت دورت على كرامة المصريين جوا اما تدورى عليها بره
المصيبة انا مبقتش عارف حاجة ليه نفضل نتهان ونتهزء ونسكت علشان منبوظش العلاقات اللى بين مصر والدول العربية والاجنبية وفى نفس الوقت هما بيضربونا ومبيخافوش ان العلاقات تبوظ اشمعنا احنا اللى هنفضل خايفين على طول ليه بنفضل نتضرب ونسكت خلاص اتعودنا على الضرب
الزعيمة
انتى بتهرجى عايزة السفارة تعمل ايه علشان خاطر واحد اتجلد
دا وزير الخارجية طلع وياريته ما طلع وقال مش هنقطع العلاقات مع اسرائيل علشان خاطر شريط فيديو
الراجل مهموش 250 اسير اتقتلوا تفتكرى هيفكر فى واحد اتجلد
الراجل ده بيفكر ازاى هيا المشكلة كانت فى الشريط ولا فى الحدث فعلا اللى الشريط اتكلم عنه
بالنسبة للطبيب المصرى طبعا انا معرفش التفاصيل الكاملة بخصوص الموضوع بس عموما اى واحد فى السعودية لازم ياخد باله ويبتعد عن مواطن الشبهات حتى ولو هوا واثق من نفسه وعارف انه مش بيعمل حاجة غلط لان ديه تقاليد البلد حتى ولو هيا متخلفة لازم نحترمها
اما هما مش بيحترموا قوانيننا فده عيب مننا احنا اللى سيبناهم يعملوا اللى هما عايزينه ومحدش بيقولهم حاجة
المشكلة ان احنا مبقاش عندنا كرامة فى نظر العالم كله تفتكرى لو ده دكتور امريكى كانوا اتجرءوا وعملوا كده لا طبعا الحكومة بتاعتنا اللى يحرقها هيا اللى ضيعت كرامتنا فى العالم كله
طبعا ربنا يكون فى عون الطبيب المصرى واسرته بالرغم من انى معرفش التفاصيل بالكامل
انا سمعت عن الموضوع ده من مده
وكان عندي أمل إن أي حد يتدخل ويوقفه
سواء السفارة أو أي منظمة لحقوق الإنسان
أنا مش هتكلم عن تعذيب مصري ف السعودية
أو إن ده مقصود يتعمل معانا بره
بما إن إحنا ملناش كرامة جوه
أنا هتكلم عن التعذيب اللي بيحصل عموما
الجلد وقطع اليد دي كلها حاجات أنا مش قادر أفهمها
دي جرايم بشعة وغير إنسانية وضد أبسط حقوق الإنسان
وغير مقبولة كعقاب مهما كانت بشاعة التهم أو الجرايم
ومش فاهم إزاي فيه ناس بتعمل كده
وإزاي فيه ناس بتطالب بده
ولو حد عنده تفسير ياريت يقلي عليه
عشان بجد نفسي أشوف أي منطق ف الحكاية دي
تحياتي
اه يابلد ارخص مافيكى الأنسان
fares
الحمد لله على سلامتك
المصري ملوش كرامة فى اى مكان
للاسف دي الحقيقة الوحيده
تحياتي لك
مصر هي امي
يا زميلي الفاضل ربنا يخليك
البوست حلو بمرورك ومرور اخوانى واخواتى المدونين البيشرفونا
صحيح اية اليخليك تقف من 5 ل7
زحمة يعني والناس حتقطع بعضها عشان
الاستفتاء النزية الجميل مثلا؟
المهم الحمد لله انك جيت بالسلامة وربنا وفقك وتكون قولت لالالالا للتعديل
بالنسبة لموضوع البوست
فانا شايفة ان حكومتنا عاملة زي ربات البيوت بيحافظوا اوي على علاقتهم بالجيران لا يحتاجوا كيس ملح ولا شوية دقيق والطبخة على النار
حكومتنا بتاخد معونات من دول كتيرة جدا نظير سكوتها على مهازل فى حق العمالة المصرية فى الخارج
اقولك ان فية دبلوماسي سعودي قال لبابا اننا بنعمل حساب للسوري واللبناني وحتي الفلبيني لان سفارتهم قوية اما المصري فيكفي انك تجيب كرسي للسفير ولا تجددله المكتب يسكت على اى حاجة بتحصل للرعايا المصريين هناك؟
اية رايك فى الكلام دا الشهد بة شاهد من اهلها ؟؟؟؟
نورت الموضوع يا زميلي الفاضل
واشكرك لتواصلك واهتمامك
The Alien
اهلا بالزميل الكريم بيشوي
انت اتكلمت على الجرائم الضد الانسانية وانا شايفة ان الضد الانسانية اكتر من الاحكام الرادعه
هو الفساد فى الارض من سرقه ونهب
وعمل فاحشة وزنا
وبالنسبة للعقوبات فهي للردع وموجوده فى كل الشرائع السماوية
من اليهودية وحتي المسيحية والاسلام
فعقوبة الزنا فى الشريعه اليهودية
هي الرجم حتي الموت
وبخصوص قطع يد المرأة فقط
جاء فى الكتاب المقدس
إذا تخاصم رجلان بعضهما بعضاً.
وتقدمت امرأة أحدهما لكي تخلص رجلها من يد ضاربه ومدت يدها وأمسكت بعورته، فاقطع يدها ولا تشفق عليها) (تثنية 25:11 _ 12)
***********************
وبالنسبة لعقوبة جريمة الزنا
للمراة طبقا للكتاب المقدس ايضا
(إذا تدنست ابنة كاهن بالزنا، فقد دنست أباها. بالنار تحرق)
(لاويين 21 : 9).
****************
وكذلك فى الشريعه الاسلامية هناك عقوبات
و تحقيق اى من تلك العقوبات
لة شروط قاسية جدا ربما لا يتوفر اطلاقا
يعني حد الزنا عشان اجلد شخص
يجب ان يكون راي الجريمة كاملة 4 شهود
بكل يقين وتفتكر مين دا الحيعمل زنا وبيتفرج علية 4 شهود ؟؟؟
انما صعبت شروط اقامة الحدود للستر
وهي تعتبر عقوبات تخويفية اكتر منها تنفيذية
ومثلا قطع يد السارق
فتتطلب شروط اقسي من الزنا وهو ليس شهود على السرقة بل ان يكون السارق غير محتاج تماما لسرقتة
بدليل ان عمر بن الخطاب رضي الله عنه لما سرق واحد فى عصرة وكان محتاج والبلد كانت فى ايام فقر رفع حد السرقة تماما ومنعها
***********************
المشكلة ان بعض البلدان زي السعودية بتتعسف فى التطبيق وبيتم على اهوائها
هي دي المشكلة والمشكلة الاكبر انها مش بتعمل كدا الا مع المصريين فى الغالب كاننا ملناش دية عند حد
شكرا لمرورك واهتمامك بالتعليق
وسعيده بتواصلك
Mohamed Yousef
اهلا بك وتشرفت المدونة بمرورك
صحيح ارخص حاجة فى البلد دلوقتي
بقت الانسان الموجود فيها للاسف
شكرا لك
شىء يحزن ما راى واسمع
تطبيق الشريعة يطبق الان على هوى صاحب البلد
زى ما انتى قولتى فين الشهود
وبعدين مش فاهم قمة التخلف لما الشرطة تمسك واحدة ماشية فى حالها ويقولها فين المحرم بتاعك ويحصل اللى حصل
دة قمة الارهاب والتخلف ولااسف دولة اسلامية لاتطبق الشريعة االاسلامية الا اسم وشعار ولكن على ارض الواقع يدخل فيها الكثير من المعاير المغلوطة
الامير وليد ابن طلال مش بيشجع على العرى بالفديو كليب مش المفروض من رايهم يطبق علية الحد
دول ناس ماشية على مزاجها ولااسف وخدين الدين حجة للحكم
ربنا على كل ظالم ومفترى
واصعب انواع الظلم والافتراء الحكم بالدين دون ان يطبق اولاا على الجميع ثانيا عندما يطبق دون التاكد والفعل كما هو معروف
ربنا يرحمنا
تحياتى
بالرغم من اقتناعى بقصور التطور الحضارى والفكرى للشعب المصرى
ولكنى ارى ان هناك فجوة حضارية كبيره بيننا وبين باقى العرب
وهناك فجوة اخرى بين العرب وبين السعودية
ارى ان السعودية تلك البلاد المقدسه العزيزة على كل مسلم قد دمرها الفكر الوهابى تماما وخلق منها كائن مشوه مريض ضيق الافق مزدوج الشخصية
واقصى مظاهر التدمير الوهابى هو الاقتناع التام لدى الاغلبيه انهم الدولة الوحيده المتبقيه التى تحمى الاسلام وتحافظ على حدوده وتسير على شرائعه وتقاوم التغريب والثقافات المدمره
ولكن الموضوع به خلطه عجيبه جمعت الصالح والطالح
واخذت من القشور تبرير لممارسة ضيق الافق والتعنت
وصارت الافعال اليومية لاتصدق
السيدات ممنوع عليهن قيادة السيارات
ممنوع عليهن السير بدون محرم
ممنوع عليهن كشف الوجه
ومجموعه شباب احمق وارعن ينصب نفسه قاضيا وجلادا ويسير بعصيان يضرب هذه ويضرب هذا ويجبر ذلك على الصلاة وهذه على النقاب وينال شرعية من الدوله عن هذه الافعال المخالفه لكل القواعد والاعراف وللاسلام كذلك
رايت الكثير من السعوديين اصابهم انفصام حاد فى الشخصية وجمعوا ما بين الانحلال الشديد والتزمت الشديد
داخلهم مقتنعين ان قوانين مجتمعهم هى الدين
وسلوكهم لا يستطيع التاقلم مع ذلك
واعتقد انهم يحتاجون لفكر متنور جديد يمنع تشويه الاسلام ويتماشى مع فلسفته للحياة
اما عن المصريين
فمنهم لله من دمروه وافقروه واهانوه وجعلوه ملطشه العالمين
الزعيمة شكرا على ردك عليا
انا فضلت واقف ادام اللجنة علشان كان نفسى اعرف فيه اقبال ولا لأ
علشان اما تطلع الجرايد الحكومية تانى يوم تقول اقبال منقطع النظير
اقول الكدابين اهمه
الحاجة الوحيدة اللى كان نفسى اشوفه هوا القاضى اللى كانوا بيتكلموا عليه
بس بصراحة الامن كان كويس جدا يمكن علشان مكنش في غيرى بس يرده كان مفروض يعملوا حسابى ما هوا انا بفردين دلوقتى
---------
يجددوا مكتب السفير او يجيبوله كرسى دا حتى الرشوة بتاعتنا زبالة اوى كده كرسى طب يخلوها مكتب حتى علشان الموضوع يستاهل
حسبى الله ونعم الوكيل مقدرش اقول اكتر
العيزة أختى الزعيمة
أنا مش فاهم حاجة هى فين الجريمة أصلا
ثم البقر دول مش فاهمين يعنى إية دكتور و لا لسة المصطلح دة موصلهمش
ثم لو كان الدكتور دة أمريكانى كان فى واحد من بنو ماعز دول يقدر يفتح بقة معاة
رحماك يا إلهى
زعيمة
انا تعبت بجد
طب اروح فين واشكي لمين
لا بره مرتاحين وجوة متهانين
جايز لو الجنسية تنزاني كانوا عملولوا احترام شوية
بس دة مصري والواضح ان مش في ارخص من مصريتنا
حسبي الله ونعم الوكيل
شكرا علي الإهتمام والرد الجميل المفصل
من ردك وشوية تفكير والإستعانة بصديق أنا إقتنعت إن العقوبات الموجودة ف الشرائع السماوية هي عقوبات رمزية
يعني مش مطلوب تنفيذها بين البشر
والدليل صعوبة الشروط المطلوبة
وكمان إفتكرت جملة للمسيح كان قالها لما قدموله واحده زانيا
قال: من منكم بلا خطيئة فليرمها أولا بحجر
القواعد والعقوبات إحنا بنحطها عشان ننظم حياتنا ومش منطقي يبقي ف إيد إنسان الحكم بموت أو تعذيب إنسان
أنا اسف إني خرجت بره الموضوع اﻷساسي للبوست
اللي رأي فيه واضح
اللي ملوش تمن جوه بلده ملوش تمن بره
وحلو اوي موضوع كرسي الرشوة بتاع السفير
تحياتي
تامر نبيل
اهلا بيك ومنور الموضوع
يا زميلي الكريم السعودية دي انا احترت واحتار دليلي معاها
فما اكثر التناقضات فى الحكم لديها
بتحلل كل شئ يعملة الامراء ولكن الشعب يتم الحكم فية بعده مكاييل اولا منصب الفرد وجاهه ولو كان من الرعايا الاجانب فعلى حسب الجنسية امريكي ولا بريطانى ثم عربي ومن اى دولة وينتهي الحال باشد انواع الانتهاكات تصيب المصري فى الغالب
العيب مش عندهم فى الحتة دي
العيب على سفارتنا الي من المفروض بتمثل الدولة ويكون لها هيبتها وكيانها ولكن الحقيقة انها محل بقالة
نورتنا بمرورك الجميل
harmless
اهلا بك وبتشريفك المدونة
اتفق معك تماما فى كل ما كتبتة
هناك ازدواجية غريبة فى المجتمع السعودي وافتراء اخر فى انة يقدم التقاليد البيئية لمجتمعهم على انها هي الاسلام والمعروف ان كثير من العادات والتقاليد لديهم هي عادات بدوية لبيئتهم وتاريخهم ولا دخل للاسلام بها ولكن هم يوصمون كل ما يروجون لة
على ان هذا هو الاسلام ليصبغوا الشرعية على تصرفاتهم وهي ابعد ما تكون عن روح الاسلام وكيانة
فكرهم هو مجرد فكر وهابي بدوي
فرضوة بالقوة على مجتمعهم ويروجوا له فى الخارج بين باقي الدول على ان هذا هو الاسلام وللاسف اجد بعض المصريين تاثر بتلك التعاليم وبدا يتبعها
ورحم الله الامام المستنير محمد عبده
فاول من حارب افكارة التنويرية وكفروة هم شيوخ الوهابية البدوية
شكرا على مرورك ونورت المدونة
واتمنى ان تتجدد الزيارة
مصر هى أمى
انا البشكرك يا محمد على اهتمامك بتوضيح الامر والمشاركة
وكما تنبات فالجرائد الحكومية بتتحدث النهاردة على الاقبال الحاشد
لك حق تقول الكذابين والمنافقين اهمة مليون مرة بعدد افراد الشعب المقهور
اما بالنسبة للرشوة بتاعه سفاراتنا
فهي مسالة نسبة وتناسب لان المواطن المصري فى الجهات الحكومية ممكن ترشية بخمسة جنية ولا علبة سجاير ولا سندوتش جبنة رومي فيادوب السفير ياخدلة كرسي
حاجة تكسف مش كدا؟!
ربنا يعدي الزمن دا على خير ونموت ونرتاح لان الامل فى الموت اصدق من الامل فى التغيير دا من وجهه نظري
بشكرك يا محمد على اثراءك الموضوع باضافتك البتسعدني دائما
الأرمـوطــي
والنعم بالله العلى القدير
محنا ملناش الا ربنا ويكفي ما قولت
اسعدني مرورك ونورتنا
kaed
اهلا بالاخ الكريم
هو الحقيقة ان مفيش جريمة ولا حاجة
مجرد شوية افراد ربوا لحيتهم ومسكوهم عصايا واعطوهم سلطات على خلق الله
غير موجود في الاسلام اطلاقا وغير شرعية
صحيح امر بالامر بالمعروف والنهي عن المنكر ولكن بالقول الطيب والمجادله بالتي هي احسن مش بالبلطجة والهمجية دي
نورت الموضوع وشكرا على تعليقك
تقبل ارق التحية
smraa alnil
انجي الغالية
سامحيني ان تعبك الموضوع ولكن للاسف
دي حقائق .. الواحد نفسة يشوف تحرك رسمي يحمي الجاليات المصرية فى الخارج
حنعمل اية بس ربنا يرحمنا من الهم الاحنا فية دا برة وجوة
وحشني مرورك ونورتيني يا قمر
The Alien
اهلا بيك والشكر لك ولمرورك بالتاكيد
احنا اتفقنا ان العقوبات شديدة
فى شروط تطبيقها حتي لا تقام بسبب وبدون وعلى حسب اهواء البشر
ولكن وجودها هام ايضا لتحقيق السلامة والامان للمواطنين فالمخطا لة عقابة والمحسن لة ثوابة ودا تنظيم رباني لضمان استقرار حياة البشر
فيقول الكتاب المقدس
"كل الكتاب موحى به من الله، ونافع
للتعليم والتوبيخ، للتقويم والتأديب الذي في البر، لكي يكون إنسان الله كاملاً متأهباً لكل عمل صالح"
(2تيموثاوس 16:3 و17).
ويقول القرآن الكريم
"ولكم فى القصاص حياة يا اولى الالباب"
فالكتب السماوية كما جاءت لتدعم القيم النبيلة فهي ايضا لردع الاخلاقيات السيئة
اما فى قولك
**********
ومش منطقي يبقي ف إيد إنسان الحكم بموت أو تعذيب إنسان
******************
لو لم تكن هناك عقوبات سوف يحدث ما تقولة ووقتها يستطيع اى انسان يقتل اى انسان او يعذبة
فتخيل لو انة لا يوجد اى عقوبة للسرقة او القتل او او
هل يأمن شخص على نفسة وحياتة
!بل كيف تستقيم المجتمعات
اما تنفيذ العقوبات يجب ان تتم بمعرفة اصحاب الحق فى اقامة تلك العقوبات مثل القاضي او الوالي بعد اكتمال شروط الجريمة وايضاحها والتاكد من الفعل
وعلى فكرة انا بسعد باى حوار
ومفيش ادني مشكلة فى التطرق لامور اخري تحتم علينا مناقشتها حتي لو مش من اساس فكرة البوست فالحوار مفتوح
سعدت جدا بتواصلك وتبادلنا فى الرأي
واتمني ان تضيف ما تشاء وتناقش ما تريد
واعذرني على الاطالة
زميلتى الفاضله
قال المتنبى منذ قرووون هذا البيت الرائع على مثل هؤلاء
أغاية الدين أن تحفوا شواربكم
يا أمة ضحكت من جهلها الأمم
دين طقوس يريدونه
لا دين ايمان
ولا دين معامله
دين امام الناس
لا دين امام النفس
وخالقها
كتبت روايات مثل بنات الرياض وغيرها فضحت ما تقوم به الهيئه المذكوره فى مقالك ومدى التناقض المخيف الحادث فى بلاد الحرمين وغيرها من البلدان
حقيقة افزعنى ماحكيت فى مقالك
لكنى لم أستغربه على اخوان العروبه
حياكى الله يا عزيزتى
يا نهاار اسود هههههه
احنا كده من لا يحترم في بلده كيف يحترم في الخارج !؟؟
تحيات للزعيمه علي موضوعها الرائع
اذا كان المصري لا كرامه و لا ثمن له في وطنه...فمن المنطقي ألا يكون له خارج حدود بلده...أنا لسه سامع أن المحور جابت ضحيه جديدخ من كام ساعه لكلاب الامير ترك و بالمناسبه ده البلاغ رقم 86 ضده و الحكومه لا تزال محلك سر...عرفتي ليه الدكتور اتبهدل
تحياتي لكي و لمواضيعك الرائعه يا زعيمه
shee2 mo7zen gedan ...
w 2eeh elli rameena 3ala keda ..
manseebhalhom kharbaana .. weykhali 7ameli al3asa dool yetabebo mardaahom wey3alemo awladhom ..!!
fe3lan law da yedol 3ala shee2 fahowa da3f ma yosama bel sefara ...
fasafeerona howa allah ..!!
3agabni awi 7osn ittela3ik wa raga7et 3aqlik ... kol post bashoof feeki 7agaat agmal ..
"و تحقيق اى من تلك العقوبات
لة شروط قاسية جدا ربما لا يتوفر اطلاقا
"
w ana atazakar shart da2eman yaten fi othoni ...
"من كان منكم بلا خطيئة فليقذفها بحجر"
..!
taqabali atyab ta7eyati
زميلي الكريم الملاح التائه
كما تفضلت .. هم يريدونة دين مظهر لا جوهر .. دين امام الناس لا امام النفس ورب الناس
ليت شعري ان بيت المتنبي
لهو اصدق خبر يصف حالنا
تحياتي لك ونورتنا
ibn nasser- ابن ناصر
اهلا بابن الزعيم
هو زي ما قولت بالظبط
الملوش احترام فى بيتة مش حيكون لة احترام برة .. دا طبيعي
شكرا لمرورك وتواصلك
زميلي واخي مايكل
الخبر كمان اتنشر فى جريدة الاهرام
اول امبارح وكتبة سيد على
عن نهش كلاب الامير لضحية جديدة فى احد فنادق الهرم وكانت حفلة لموظفين فى احد الجهات وعندما تعاطف الزملاء مع زميلهم المنهوش بكلاب الامير زفت
قام الحراس الخاصيين له بضرب الناس
لكن الامير قرد فوق القانون
البلد دي ملناش عيش فيها
بشكرك على تفاعلك معنا ومشاركتك
el2ahwagi الاستاذ الفاضل
الرمي الناس على المر طبعا الامر منة وهو الفقر والاحتياج للسفر
وللزل البيشوفوة ابنائنا فى الخارج
مع ان العمالة المصرية بتذهب لتعمل وتتحمل الكثير من المشاق التى تكاد تصل للسخره والاستغلال من قبل اصحاب العمل فى الخارج وما يحصلون علية من اجر فهو نظير عملهم لا حسنة ولازكاة عشان يتبعوها بالاذي .. فالمصريين يقبضوا نظير تعبهم ومجهودهم وليس شحاتة
رغم ان مصر كانت تطلع من التكية ماكل ومشرب وما يعين تلك الدول على المعيشة وعمر ما مصري ايامها عاير اصحاب البلد بان فضلنا عليهم
المصري دايما كريم واصيل رغم كل شئ
اشكرك على اطراءك وتقبل تحياتي لمرورك
اولا تحيات و سلامات و احاجت كتير للاخت الزعيمة او مصرية زي ما تحبي
اذا كان المواطن المصري في بلده درجة تانية .. امال بالخارخ هيكون درجه كام
موضوع تركي الحقير دا كل ما استمع لتفاصيل اكثر كلما شعرت زي ما يكون كدا ارتفاع في ضغط الدم
ثم ارى موضوعك ليكمل علي
و ليس بغريب ان يحدث ذلك من اصحاب الفكر المتخلف ...و لا استبعد اكثر من ذلك ممن يصدر فتوى تحرم التهادي بالورود في المناسبات
تحيتي
Mostafa Maher
اهلا بالاخ العزيز مصطفي او سبيد
نورت المدونة وسعيده بزيارتك
هو احنا فعلا بقينا ملطشة بس يعني يحفظوا ماء الوجه على الاقل
لكن موضوع تركي الحقير دا زاد عن حده جدا ومعرفش فين القانون واية المخوفنا نتخذ ضده اجراء هو بياكلنا
ولا بيشربنا؟ دا قاعد على خيرنا هو وحاشيتة بعد ما طردتة بلده وكل بلد يروحها تلفظة وتطرده
انا بجد حتجنن ومش شايفة اية سبب سكوتنا على المهازل دي
طب الحاكم بامرة واسرتة وبنعديها
لكن حيجيب حكام البلاد التانية تلطش فينا ؟ مش فاهمه فى اية بجد
تحياتي لمرورك واتمني تجدد الزيارة
الزعيمة
chapeau
وتحياتي
تصدقى انا اول مره اعرف ان ممنوع المشى فى الشارع للسعوديات من غير محرم
انا اساسن مش قادره استوعب هما جيبيين القانون دا منيين...معتقدش ان مكتوب فى القرأن ان البنت ممنوع تمشى فى الشارع
ومعتقدش ان لو واحده بتتعالج عند دكتور ما...يبقى دا يعتبر خلوه غير شرعيه
ومعتقدش انى شفت مجتمع همجى ومتصحر وذكورى زى المجتمع السعودى اللى اعتاد الاختباء ولا عباءه الدين وهما ابعد ما يكون عن تطبيقه
ومعتقدش ان احنا كوزاره خارجيه او سفاره مصريه فى السعوديه اننا ممكن نفتح بقنا او تاخد اى تصرف تجاه ما حدث للطبيب المصرى
يا حبيبتى اذا كان امير سعودى وقاعد فى بلادنا وكلابه هرت الناس عض ومش عارفيين ناخد معاه حق او باطل هفل ممكن ناخد حقنا عن مصرى فى السعوديه
معتقدش يا زعيمه ولا انتى ايه رأيك
على كل حال دى اول مره ادخل مدونتك...سعيده انى دخلت وتقبلى تحياتى ليكى
كل اللي هقوله اني بقالي اكتر من توبيك شغال على جيران الهنا دول في المدونة بتاعتي
رجاء مطالعتها والتعقيب
السلام عليكم
اللهم عافنا واعفو عنا
مش عارف اقول ايه اكتر من كده
ايه اللى انا بقراه ده
يعنى ايه طيب حد يفهمنى
والله الناس ديه بقي عندهم صرع على التعذب
سواء بقي كان المصريين دول هيعذبوهم فى بيتهم او برة بيتهم
حسبي الله ونعم الوكيل
ربنا هو المنتقم
amira
اهلا بك وتشرفت المدونة بزيارتك
رغم انى مش فهمت بصراحه الكلمة دي
"chapeau "
بس بشكرك على مرورك
تحياتي لك
Iman
اهلا بك عزيزتي وتشرفت المدونة بزيارتك
المجتمع السعودي بفقة الصحراوي البدوي ملوش اي علاقة بالاسلام ولا القرآن
محنا مسلمين اهه فى مصر ومش بنعمل كدا
دول ناس بيسيرهم فكر وهابي بدوي اخترعوه لتبجيل اصحاب فخامتهم وامرائهم وقمع بة ايضا باقي الشعب
وعلى رايك ما اميرهم الحقير هو وكلابة هارين المصريين عض وغالبية امراء السعودية بيعيثوا فى الارض فساد
يا ترى هيئة الامر بالمعروف مش بتقيم عليهم الحد الشرعي لية؟
هما بيقيموا الشرع المخترعينوة على الناس العايزنهم بس
نورتيني وان شاء الله تتكرر الزيارة
تقبلي ارق التحيه
A.SAMIR
اهلا بك ونورت المدونة
يسعدني زيارة مدونتك وان شاء الله اشوف المواضيع الكاتبها واشارك معكم
تقبل تحياتي
mohandat
وعليكم السلام ورحمة الله وبركاتة
نورت المدونة واسعدتني مشاركتك
والله ينتقم من المفتري والظالم
وكل من يتخذ الله وشرعه لتنفيذ اهوائه
شكرا لك على مرورك ومشاركتك
عاشقة الوطن
اهلا بك عزيزتي عاشقة
زي ما قولتى فعلا اصبح عندهم صرع للتعذيب والافتراء والظلم وللاسف كل دا مع التمسح برداء الدين واستخدام الله وشرعه للتخديم على اهوائهم وجهلهم
اشكرك لمرورك ومشاركتك البتسعدني
تقبلي ارق التحيه
الطبيب المصري قبل ما يتهان في بلاد الدولارات بيتهان في بلده
وبياخد على قفاه في بله ومن ناس بيقولو انهم مصريين زيه
قبل ما ياخد على قفاه من حد تاني
وللمرة التانية على التوالي
الدكتور هيضرب دماغه في الحيط
وابقي قابليني لو وصل لحاجة
اولا فعلا كل مكان ليه نظامه لازم نحترمه ، حتى لو مختلفين معاه. وإلا يبقى العيب فينا نروح هناك ونقول الحقونا.
ثانيا فى فرق بين القانون ومنفذ القانون
القانون صح، التعذير على الخلوة بدون اقامة حد. تطبيقه لما يبجى من ناس مش فاهماه وبتطبقه غلط ما اهاجمش القانون نفسه، اهاجم اللى نفذه واقول فين حقوق الانسان.
ثالثا اى تشبيه لحد فى الدين بإنه يتعارض مع حقوق الانسان ده مش صحيح بالمرة. غلظة العقوبة من غلاظة الفعل، ولما السارق يفكر ان إيده هتتقطع لو سرق، وما يسرقش يبقى القانون حمى الناس من انها تتسرق مش تجاهل آدميه الحرامى وقطع إيده.
خامسا بوست حلو قوى وعجبنى فى احساس الوطن المفقود
الزعيمة
chapeau
تعني رفع القبعة إحتراماً وتحية
تحياتي
لا اله الا الله
حسبنا الله ونعم الوكيل في الظالمين
واحـــد مـــــن الـنـــاس
اهلا بك ونورتنا
صحيح الدكتور وبالاصح المصري
متهان فى بلده ومتبهدله كرامتة
بس على الاقل فية قوانين دولية بتحكم
علاقات الدول وحقوق الرعايا الاجانب
سبنا من مصر والفيها لكن لية فى السعودية اى جنسية يتعملها قيمة الا المصري؟ حتي الهندي الفقير ومعدوم فى بلده لكن لة قيمة فى اى دولة تانية
سعدت بمرورك ومشاركتك معانا فى الحوار
تقبل ارق تحياتي
محمد البدري
بالنسبة لاولا:
فين القانون والنظام دا الي المفروض نحترمة وهو بالاصح مجرد غاية فى نفوس بعض المعينين انفسهم اوصياء على الاخرين بحجة الامر بالمعروف وبيفرضوا احكامهم الهمجية على رعايا معينين من جنسية معينة يباة هم بالاساس المخالفين للنظام
لان لم يتم تحقيق تلك الواقعه الا على المصريين فقط ولن تجد سواهم
ثانيا :مفيش تعذير على الخلوة
وهي فين الخلوة اصلا اذا جايبين بنت ماشية فى الشارع ودكتور كان فى بيتة لوحده؟ دا اسمة استعباط
ثالثا :الجزئية دي اتكلمت فيها في تعقيبي على مشاركة الزميل الفاضل
يمكن مراجعتها The Alien ..
رابعا نورتنا واشكرك على المشاركة
amira
اشكرك عزيزتي
والتحية لك انتى
لمرورك وتشريفك المدونة
تقبلي ارق التحيه
مهندس زراعي
اهلا بك وتشرفت المدونة بزيارتك
تقبل ارق التحيه
عرب جرب و تيوس معاها فلوس
الله يرحم ايام التكية اللي اتعملت ليهم ياكلوا من خير بلدنا
وخزان مياة منى اللي بناة ناصر ليهم برضة بدل ماهم مش لاقيين لا اكل ولا شرب
كفاية انهم لغاية اليوم في جدة لا عنهم مياة شرب ولا صرف في بيوت كتير جدا و في مناطق واسعه ومش فقيرة والمياة بتيجي في فناطيس تملا الصهاريج والصرف برضة بيتسحب من ترنش وراء البيوت
الله يلعن ابو البترول اللي عملكم قيمة يا شوية بدو متخلفين ولا كان ليكم قيمة
بس هانت كلها كام سنة ويخلص ترجعوا للعصر الحجري اللي كنتم فية من تاني
تحياتي
كان نفسي اعلق بس مع الاسف لاتعليق غير
يبقي انت اكيداكيد في مصر تيرارارا
تحياتي
اعجبني جدا تعريفك بنفسك بالقول
مصرية ناصرية قومية حتي النخاع
وانا فلسطيني قومي ناصري حتى العظم
تحياتي لك مع مزيد من الابداع
وهذا المقال كتبته بمناسبة ثورة 24 يوليو
في ذكرى ثورة 23 يوليو – عبد الناصر خالدا
اجواء الحارة مضطربة عدد من سيارات الشرطة تحاصر مداخلها ، تجمع رجال الحارة ومنهم والدي باب منزل اسرة المناضله عائشة عودة التي فجرت فندق الامباسادور في القدس بعد عام 67 ، وكانت التساؤلات تدور على الالسن دون تركيز، فالبعض يقول ربما هناك لصوص في الحارة، واخر يقول ربما خناقة، وثالث ربما في الحارة شيوعي ورابع .. لا لا الشيوعيين اعتقلوا في شهر اذار الماضي، اذا ما الموضوع ؟؟ لماذا كل هذا العدد من الشرطة والمخابرات؟؟
انفض بعض الاطفال عن تجمع الكبار، واخذوا يزحفون رويدا رويدا تجاه سيارات الشرطة ، سمعت احدهم بلباس مدني (يعني مخابرات) يتحدث باللاسلكي ويقول: طوقنا البناية والقوة جاهزة لاقتحام الشقة ، وما ان اغلق رجل المخابرات جهازه حتى نزل من السيارة وبحركة من يده اندفع نحو 6 من رجال الشرطة والمخابرات باتجاه بناية جيراننا ، وبعد اقل من عشرة دقائق نزلوا يجرون الشاب رياض منصور بعد ان وثقوا يديه والبعض يصفعه على وجهه والبعض يركله بالارجل ورياض لا يتكلم ، ولكنه اكيد كان يتألم.
رياض منصور هذا اصبح فيما بعد دكتورا وكان مسؤولا عن تنظيم الجبهة الديمقراطية في نيويورك، ويشغل الان منصب ممثل منظمة التحرير الفلسطينية في هيئة الامم المتحدة.
لماذا اعتقل رياض منصور في صيف عام 1966 ؟ اعتقل لانه كان يحب جمال عبد الناصر.
وانا احب جمال عبد الناصر فهل سيعتقلني رجال المخابرات؟ اجابني والدي لا تخف فانت ما زلت صغيرا ، ولم يسرني جواب والدي فقد كنت اتمنى ان اكون بطلا كرياض منصور. فانا احب عبد الناصر مثله.
لقد احببت جمال عبد الناصر عندما شاركت في تظاهرة لاول مرة في حياتي صيف عام 1965 عندما سمعت الالاف يهتفون في الشارع الرئيسي المؤدي الى ميدان المنارة في مدينة رام الله "بدنا الوحدة باكر باكر مع هالاسمر عبد الناصر" وهتاف اخر تصدح به حناجر اهل رام الله الذين خرجوا كلهم في تظاهرة يطالبون بالوحدة مع مصر يقول : ابو خالد يا حبيب بكره حتدخل تل ابيب".
نعم احببت هذا الرجل الذي تهتف باسمه الملايين في كل عواصم العرب.
حصلت النكسة او الهزيمة او الكارثة في 67 ، فبكيت مع جدي يوم التنحي ، وحزنت يوم لبست مريم الاسود في ايلول، وبكيت وصحبي ونحن بالطريق الى دمشق يوم كان عبد الناصر الى مثواه الاخير يمضي.
وانخرطت بعدها في حركة النضال الوطني الفلسطيني، وكاد حبي لعبد الناصر يخفت مع الهجمة الضارية التي شنتها جهات عديدة على زعيم الامة ، لكن كل مشاعر الحب تاججت نيرانا في القلب وانا اقف امام ضريحه في القاهرة، ولم اتخيل انني اقف قرب جسد الرجل الذي الهمني حب وعشق هذه الامة من محيطها الى خليجها.
وبدلا من خفوت الاعجاب والتقدير لعبد الناصر الذي نهشته الكثير من الاقلام ، بل كان اعجابي به يزداد كلما سمعت او قرات خبرا او معلومة عن الرئيس السادات وتتاجج مشاعر الحب لشخصية عبد الناصر كلما شاهدت صورة السادات على شاشة التلفاز.
وفي القاهرة عرفت ماذا يعني السد العالي وماذا يعني بناء الاف المصانع وماذا يعني الغاء الاقطاع واعادة توزيع الارض على الفلاحين وماذا يعني مجانية التعليم وماذا يعني بناء العديد من المدن الحديثة وماذا يعني تطوير وسائل المواصلات وماذا يعني وجود عباقرة الادب والفن والسينما والغناء عرفت ان هذا يعني الحضارة والتطور والتقدم ،وعرفت ان كل ما شهدته مصر منذ ثورة 23 يوليو من ابداعات وانجازات في كل الميادين كان بقيادة واهتمام مباشر من عبد الناصر.
فلماذا لا احبه ويحبه الملايين؟
ففي ذكرى ثورة 23 يوليو تحية لقائدها لزعيم الامة ، لباني نهضة مصر الحديثة، لنصير الامة من المحيط الى الخليج.
ولا شك ان عبد الناصر الذي كان اول زعيم مصري يحكم مصر على مر عصور التاريخ منذ العهد الاول للفراعنة، خلق من المقومات ما سيمكن مصر من ولادة الف ناصر ، فمصر ولادة مصر ولادة .
ابراهيم علاء الدين
Rightmedia22@yahoo.com
Post a Comment
<< Home