يا عزيزي كلنا .. جاسوس
لم نكد نستفيق من قضية الجاسوس المصري العطار الذي حكم علية
بـ 15 سنة سجن مشدد الا ونفاجا بقضية جاسوسية اخري المتهم فيها
المهندس محمد سيد صابر الذي عمل فى المفاعل النووي بانشاص
لا شك ان شباب مصر غير محظوظ لانة يعيش ازهي عصور الحرية
وازهي عصور الرقص والاغاني وازهي عصور اكسير النجاح
ولكن هل معنا ان شباب مصر مفروس ومهروس ومنحوس
ان يصبح ايضا جاسوس؟
هل بيع الضمير والشرف والولاء للوطن يبعث نشوي وتشفي
!يريد ان يقول ها انا انتقم لتعاستي وبطالتى وتدهور حالى
بالطبع لا ويجب ان يحاكم هؤلاء الجواسيس الخونة المتآمرين
ويجب ان ياخدوا اقصي عقوبة ثمنا لخيانتهم للوطن ولترابه
ولكن قبل ان نحاكم كل شوية جاسوس ويطلع لنا واحد تانى
خلينا نعرف معنى جاسوس وسبب تجريم فعلة
لنكتشف كم جاسوس بيننا
الجاسوسية هي التآمر بقصد الاضرار بامن الدولة والوطن
ومصالحه العليا وسلامتة ؟
طب هو الفساد السياسي والاقتصادي والاخلاقي
ليس اضرار بالوطن ومصالحه العليا وسلامتة؟
المتاجرة بالمستضعفين من الشعب وتعذيب الشرفاء ليس اضرار بالوطن ؟
السرقة والنهب واستباحه المحرمات وقتل احلام الشباب ووأد طموحهم
عبر ما يعيشون فية من تغييب وبطالة وتشرذم وتفكك
ضاعت فية معايير القيم والشرف والحريه
ونسفت فية المبادئ وشوهه معالم الحق والحقيقة
اليس اضرار بالوطن ومصالحة العليا وسلامتة؟
كم عطار يجب ان يحاكم بتهمه الاضرار بمصالح الوطن ؟
كم متخابر مع كيان استيطاني دولى او محلى يجب ان يحاسب ؟
كم بايع لضميرة واخلاقة وقيمة اضر بمصالح المجتمع ؟
كم بائع للمخدرات وكم بائع للهوي وكم بائع للنفس وكم بائع للدين ؟
فاذا كان جهاز مخابراتنا الباسل صائد للجواسيس والمتامرين
فاسالوا الجهاز المركزي والضرائب ومصلحة الكسب غير المشروع
والنائب العام والمدعى العام وافتحوا ملفات الفساد والاضرار بمصالح الوطن
والاضرار بشباب الوطن والاضرار باقتصاد الوطن والاضرار بكرامة الوطن
وحاولوا تحاسبوا كل جاسوس وعندها سيقول العطار واشكالة
يا عزيزي كلنا لصوص .. عفوا جاسوس
posted by الزعيـمة @ 10:44 AM
37 comments
37 Comments:
تهديد اﻷمن العام
تكدير اﻷمن العام
الإضرار باﻷمن العام
مش التجسس بس اللي بيدايق اﻷمن العام
أصل اﻷمن العام دا حساس جدا
وممكن أي حاجة تدايقه
البلد كلها جواسيس ومحدش عارف
ومش أطلع أنا كمان جاسوس وأنا مش واخد بالي
تحياتي
فتح الله علكي يا داليا
اهوانتي كدة جبتيها من الاخر
والله عندك حق
بلدنا دي فيها جواسيس كتير
بس تقولي ايه بقي
اصل الجاسوس اللي بيتجسس لصالح دولة تانية بيقبضوا عليه
عشان خايفين الدولة دي تيجي تشاركهم الفلوس اللي علي قلبهم
او تكلفهم من جيبهم حاجة
لكن
الباقي اللي انتي ذكرتيه ل ضرر فيهم علي الحكومة لانها بتاخد بس
وطول ماهي بتاخد وعلي قلبها يبقي طظ في اي حاجة
كلامك مظبوط جدا يا زعيمة
بس انتى مش ملاحظة حاجة غريبة ان كل الجواسيس اللى بيتقبض عليهم بيتجسسوا لصالح اسرائيل طب ايه لزمة اتفاقية السلام وعودة العلاقات والكلام الفارغ دده كله
اما بالنسبة للصوص الموجودة داخل البلد فلان الفساد منتشر من اول الراس فبالتالى لازم يفضل الجسم كله فاسد
الاصلاح لازم يكون من الراس
الرشوة بقت اسمها دلوقتى اكرامية ولو مدفعتيش يبقى مصلحتك عمرها ما هتخلص
والموظف الصغير بياخد فلوس علشان شايف ان الموظف الكبير بياخد والموظف الكبير شايف المدير بياخد وهكذا يبقى لازم الاصلاح ييجى من اكبر واحد علشان حال البلد تتصلح وميبقاش فيها لصوص قصدى جاسوس
الله
تصفيق حااااد ليكى بجد انتى كده جبتلهم الموضوع من الاخر بس مين يسسسسسمع يا زعيمه
يلا سلام عشان مش عايز اغلط فى حد النهارده وانا لو اتكلمت كمان هاغلط فيهم كلهم
حسام مراد
شغال
سلااااااااااااااااام
اذا كان رب البيت بالدف ضارب فشيمة أهل البيت الرقص
أعتقد يا زعيمة ان الجملة شارحة نفسها
أحييكي علي البوست الرائع ومدونتك بجد جميلة جدا
انا بجد كلامك أصابني بالذهول
لما به من عمق في التفكير
فعلاً احنا محتاجين نعيد تفكير في حياتنا وقانونا
لأننا لا نعني سوى بالأمن الخارجي
أما الأمن الداخلي فلا محل له من الاعراب
الأمن الغذائي لا يوجد
الأمن الثقافي لا يوجد
الأمن المركزي موجود بكثرة الحمد لله
الأمن القومي بنشد بسبب المصطلح ده لأمن تاني اسمه أمن الدولة
للأسف سياسة الدولة دي النظر للجسد من خارجه
من مظهره
أما الداخل
يأكله السرطان
ولن يفيقوا الا بموت الجسد
للأسف
كلامك فتح لي دماغي
طول عمرك متألقة يا داليا
يا بخت إيهاب
:)
-وجه يغمز-
على فكرة انت ليكي تاج تيجي تاخديه
مممممممممم مبحبش الهروب من التيجان
ثانياً
انا علشان خاطرك وخاطر ايهاب الحفلة اتأجلت ليوم الخميس 3 مايو
يا ترى إيهاب يكون جه من السفر؟
يا رب يكون جه
واتمنى تشريفك يا زعيمة الزعماء
منتظر
بوست مميز
بس الغريب كل شويا يظهر جاسوس وتجدى حكاية وكلام كتير
طيب لية اليهود ساكتين عن الضربات دى وافى دفاع عنهم زى ايام عزام عزام
مجرد سؤال فى بالى شغلنى لما ابتدت تظهر حكاية الجواسيس دول وتكتر
تحياتى
لمواخذة يا زعميتنا معاد الحفلة اتاجل وبقى يوم الخميس 3/5
ياعزيزي كلانا جاسوس
كلانا خائن
كلانا باع
نحن لم نضيع شرفنا لكننا أضعنا ما يشرفنا
هل تستمر حياتنا على هذا المنوال نتجرع كؤوس المرارة التى أضنتنا ؟
بالله كف الخلاص ؟
تنبع المرارةمن أن يكال بمكيالين
ويحاسب لص ويبقي آخر بغير حساب
والرفاق نااااااائمون
يشخروووون
يتثائبون في مجون
حريتنا أين تكوون
عزيزتى داليا
ألا تمر عليك لحظات تفقدين فيها إيمانك بهذا البلد؟
من الجاسوس صرصار الى زعيمة الاحرار
اهم الانباء فى عالم التدوين:
ــــــــــــــــــــــــــــــــــــــــــ
"مسابقه افضل موضوع"
http://best-post.blogspot.com/
"من أجل مدونات نظيفة"
http://5fadfada.blogspot.com/2007/04/blog-post_20.html
"تصميمات الشعار وأكوادها"
http://takhareef-sorsaraa.blogspot.com/2007/04/blog-post_21.html
ياريت تشرفونا وتشاركوا معانا فى المواضيع دى
اولا احب اشكرك علي موضوعك الجامد ده
ثانيا مش عارف ايه اللي بيحصل بالظبط البلد كل يوم يمسكوا جاسوس هو ايه العباره بالظبط ياريت تيجي عندي علشان فيه كام سوال عاوزك تجاوبي عليهم
الموضوع ببساطة
انهم قد قتلو الانتماء بفسادهم الذي ينشرونه
تحياتي لك ولمقالك العميق المعنى
——————————
صاحب مدونة البوابة
http://elbawaba.blogspot.com/
الزعيمة اتفق معكى فى كل ماقلتية وخاصة بعد ما اصبح العالم كتاب مفتوح للجميع ولم تعد هناك اسرار ولو قرأنا اى مجلة عسكرية متخصصة حنلاقى فيها كل المعلومات بالتفصيل عن اى جيش فى المنطقة وانواع وعدد اسلحتة وبعدين مصر فيها اسرار اية الى حيتجسسوا عليهابعد تحويل المصانع الحربية لمصانع ثلاجات وغسالات
بوست جامد قوي قوي يا زعيمه ..
بعدين مثلا الجاسوس تاع النووي ده البلد باعته قبل ما يبيعها
تحياتي
بيقوله مسكه الجاسوس
متعلق فى رقبته فانوس
ما يعرفوش انه منحوس
او ممكن مواطن ملبوس
هم يضحك وهم يبكى
والأهم اننا نطلع من ده بدروس
الزعيمة
البلد بيتهيألى بقي كلها جواسيس
انا خايفة وانا ماشية كده اتكعبل فى جاسوس ولا حاجة
وبعدين على رايك خليهم يدوروا على اللى بيخربوا فى البلد الاول عشان ده الاساس فى وجود الجواسيس فى البلد
تحياتى
داليا
دايما وجهه نظرنا واحده لدرجه أني ساعات كتيير بكون مش عارف أعلق و أقول ايه
:)
فعلبا لازم كل ملفات الفساد تتفتح و نسد الاول بؤر الفساد التي استشرت في مصر
بص أحب كمان أضيف أن كشف جاسوسان في فتره قليله صفعه قويه لمروجي التطبيع و عفا الله عما سلف
تحياتي لكي يا زعيمه
ايوه بجد يابنتي كم عطار في هذا البلد
الذي اصبح فيه من يخاف علي مصلحه البلد هو المعارض
والبائع لمصلحتها من اجل بضعه ملاليم هو الحاكم
ومن يقف امام الرئيس هو جاسوس لامريكا
ومن يحاول رفع مستوي التعليم هو جاسوس
اسرائيلي
اعتقد امريكا بعد ماصبح قرارات الرياسه عندنا بتطلع من البيت الابيض مش محتاجه جواسيس اصلا
اللهم الا لو عاوزه تطمن ان الريس الجاي هو الابن
واللي بعده الحفيد
يعني جواسيس علي المعارضه واهو كله لصالح البلد
بوست جريء وقوي يا داليا
The Alien
اهلا بيشوي منورني
هو الامن العام فعلا حساس
وطيب وبيحترم الحياة الزوجية
وبيفضل الاكل البيتي ويشارك فى الاساس
!طبعا عرفت الامن العام اصبح اية
تحياتي لك
smraa alnil عزيزتي
هو بصراحه امريكا واسرائيل بدون ما يتجسسوا علشان ياخدوا حاجة هما بياخدوا كل حاجة ورجالتهم فى كل مراكز صنع واتخاذ القرار .. مش عارفة اسرائيل تعبة نفسها فى التجسس لية بجد
نورتيني يا قمر
مصر هى أمى
انا متفقة معاك يامحمد ان الاصلاح لازم يجي من الراس فعلا .. وراس الافعي كلنا عارفينها بس فية رؤس كتيرة حوليها محتاجة القطع برضة .. وطول ما دول موجودين زي الحنش حتفضل الديدان بتاكل فى البلد من جواسيس صغيورين باه
البلد لازم تنضف من كلة وكفايانا فساد
سعدت بمشاركتك وتقبل التحية
حسام مراد
اولا برحب بزيارتك وتشريفك للمدونة
ثانيا الحقيقة دي كل البلد عارفاها بس الواحد زهأ من سيناريو وافلام معاقبة الجواسيس وسيبين اللصوص والاحنا كلنا شايفينة وعارفينة ان كلاهما وجهان لعملة واحده وهي الاضرار بالبلد
تقبل ارق التحيه
dyin_soul
اهلا بك وتشرفت المدونة بمرورك
طبعا الجملة شارحة نفسها وصادقة عن حالنا وشلة المنتفعين لها نفس الاهداف وهي الكسب غير المشروع .. يقولوا باه تجسس ولا غيرة النتيجة واحده
بشكرك على هذا الاطراء
والاجمل مرورك وتعليقك
إبراهيم محسن
على رايك الامن المركزي موجود بكثرة
دنا بحس ان الشرطة كلها اصبحت امن مركزي وعددهم فى مواجه اي مظاهرة اكتر من الشاركوا فى حرب تحرير سيناء
عشان تعرف بس ان طلاب الجامعه والمتظاهرين اخطر على النظام من اسرائيل .. تقدر تسمية امن النظام مش الامن المركزي ودي الحقيقة
ثانيا بشكرك على الدعوة بس ايهاب للاسف مسافر برة مصر :( وجه زعلان
ان شاء الله تستمتعوا انتم بالحفلة
وبالنسبة للتاج فانا عملته مرة عشان المدونين يتعارفوا اكتر بس مرة وعدت
على العموم ححاول اعملة عشان معتذرش عن الحفلة والتاج كمان وربنا يستر
تقبل ارق التحية
Tamer Nabil
اهلا يا تامر ومنور البوست
الانا سمعتة ان اسرائيل بتنكر موضوع الجاسوس دا وبتسخر من الحكاية كلها
بس مش بعتقد ان الامن فبرك الموضوع لانة مش فى صالحه ابدا وخصوصا انة بيؤيد مطالب شعبية كبيرة بقطع العلاقات مع اسرائيل وسد كل النوافذ الدبلوماسية وجة موضوع الجاسوس دا ليعضد مطالبهم
تقبل ارق التحيه
الأرمـوطــي
ياااه
كويس انك قولتلى على المعادالجديد
مع انى مش جاية :D
شكرا يا عم ارموطي وتحياتي لصاحبك وانتيمك بيسو سفير كشري ستان
الزميل الفاضل الملاح التائه
نعم تمر على ساعات وحتي ايام وليس لحظات افقد فيها ايماني ولكن ليس بالبلد وانما بالافراد سواء المتولين السلطة او العاديين .. الكل نايم وبيشخر والكل مغمض عنية الا عن روتانا سينما وميلودي واسترايك
يا زميلي كيف نرجو الصلاح وحاميها حراميها وشلة المنتفعين هي شلة الحاكمين
احنا فى ظلام وليل اسود ومنتظرين فجر
بس الفجر مش حيجي الوقتي ولاحتشرق شمس
على الشعب الحالى .. الشعب نفسة لازم يتغير ويجي شعب جديد زي الوقف فى وجه الملك وفساده والانجليز واستعمارها والعثمانيين واستغلالهم ولسنا نحن هذا الشعب وربما لن نعيش لنراة
تشرفت بمرورك وتعليقك الرائع
نورت المدونة SoRsaRaa اهلا
ان شاء الله حنمر ونشارك
تقبل ارق التحية
fares
والبيحصل بالظبط ان البلد كلها فسدت
بس كل فساد ولة لونة وفى الاخر كلة واحد .. بشكرك على تواصلك وحاجي اشوف الاسئلة ونجاوب عليها
تقبل التحيه
صاحب البوابــة
بالفعل هو اول شئ اتقتل فينا هو الانتماء .. بس احنا لسة بنحب البلد لكن غيرنا باعها وهما برضة السبب
تقبل التحيه وشكرا لتواصلك
ذكريات
بجد مش عارفة اية المعلومات المحتاجاها اسرائيل من اشخاص عاديين حتي لو بيشتغلوا فى مفاعل انشاص ولاحتي فى المخابرات .. ما كله عندها وقبل المعلومات مجرد الممكن نفكر فية لان الجواسيس الحقيقيين هما الفي اماكن صنع واتخاذ القرار .. عشان كدا شايفة ان الجواسيس البيمسكوهم مش بيعملوا اكتر من البيتعمل في العادي والطبيعي
تقبل ارق التحيه
ibn nasser - ابن ناصر
ابن زعيمنا الخالد
بشكرك على مرورك واهتمامك بالمشاركة
والجاسوس الاخير دا اشتكي كذا مرة من الكوسة والمحسوبية الخلته مش ياخد حقة فى مجال عملة وتتاخد كل المنح الدراسية للبعض من المقربين من اصحاب النفوذ
وزية شباب كتير اوي كل يوم البلد بتبيع فيهم بس المرة دي هو كمان باع نفسة .. تقبل ارق التحيه
محمد بدرى
شكرا على الابيات المعبرة
تقبل ارق التحيه واطيب الامنيات
عزيزتي عاشقة الوطن
بكون سعيده جدا لما بشوف مشاركتك
والواحد فعلا مش عارف مين البيحب البلد الوقتي وبيعمل لصالحها .. حتي القرارات السياسية والاقتصادية الودتنا ورا ورجعتنا قرون بيتقال وقت اعلانها وتنفيذها انها عشان البلد وصالح البلد ! الواحد فقد الثقة
تقبلي ارق التحيه
micheal
الاخ والزميل الطيب مايكل
الفكر لازم يكون متقارب لان الصح واحد
والبيحب البلد وبيخاف عليها عارف كويس اية المفروض يتعمل واية
المش يتعمل .. يعني البيدعو للتطبيع مش ممكن تكون دي وجه نظر لاشخاص امناء فى كلامهم ومخلصين للوطن .. اسرائيل كانت ولازالت عدو لينا وعمرها ما حتكون صديقة حتي ولو عملوا الف اتفاقية سلام تعرف لية؟ لانها دولة ذات طابع استيطاني زي الطفيليات والكائنات المترممة مش بتقدر تعيش الا على خير غيرها وعشان كدا عمر ما حيكون بينا وبينها سلام لانها لا تعرف عهد
ولا ميثاق والدكتور احمد بهاء الدين كان بيتكلم على قناة المنار اللبنانية وفعلا قال ان كشف الجواسيس دا صفعه على وجه مروجي التطبيع المهرولين له ..الصح ملوش الا وجه واحد مع اسرائيل وهو
" لا صلح لا اعتراف لا تفاوض "
تقبل ارق التحية
حصان بري
فعلا المعارض للسياسات العشوائية الودتنا ورا هو البيضر بمصلحة البلد وبيهدد امنها واستقرارها والبيروج للعلاقات مع اسرائيل هو البيدور على السلام ورغم ان الكل عارف ان لا سلام مع اسرائيل لانها لا تعرف معناه ولا تريده اصلا والقضية الفلسطينية خير دليل على كدا .. كانت نفعت معاهم اتفاقيات اوسلو وشرم الشيخ وغيرها
بشكرك على مرورك واطراءك وتقبل تحياتي
صح طبعا
والله حسيت بثورتك في الكلام جدا
ربنا يعافينا من المفسدين
Treason is important kills rights
Thank you
البوست فعلا حلو مع انى دخلته غلط .. مش عارف ده تالت بوست ادخله غلط بس فعلا الموضوع حلو جدا جدا و اللقطه جميله
وربنا معاكى بقى و تنامى فى بيتكوا
يا شباب انا مش معاكوا فى موضوع الجواسيس ده...مين قال ان اصحاب السلطة فى هذا البلد جواسيس..مش الأول نعرف هيا فين البلد...؟؟
لو انتى عندك مزرعة...ومربية فيها شوية فراخ على خرفان..وبتديرى مزرعتك بحيث تمصى دم الخرفان..وتاكلى الفراخ وهى حية...ده يبقى تأمر..؟؟
دى مزرعتك...ممكن يبقى تآمر من وجهة نظر الفراخ..او الخرفان...فيا ترى احنا مين فيهم..؟؟
اخيراً...انتوا مش فاكرين لما تم تسليم عزام لأسرائيل...فاكرين كان السبب ايه فى خروجة بعد 8 سنين من اصل 15..؟
جاسوس اسرائيلى اتمسك جوه مصر بيتجسس...جاسوس وبيتجسس (رقاصة وبترقص )اتسجن بدل ما يتعدم...وقضى نصف المدة وخرج..ايه؟
حسن سير وسلوك
حسن سير وسلوك
لا تعليق واسف على الأطالة
فعلا رائعه
كلنا خونه وعملاء كلنا جاسوس
tamer afify
اهلا بيك ونورت المدونة
اكيد كلنا ثائرين على الفساد
ربنا ينتقم من كل مفسد فى هذا البلد
تقبل التحيه
Spider Man
Treason kills every think
thank you for your comment
bebo.4in1@hotmail.com
بشكرك على تشريفك المدونة
وبشكر الغلط الخلانا نتعرف على رايك
تقبل ارق التحيه
Van Gogh
اهلا بيك وتشرفت المدونة بمرورك
وبشكرك على اضافتك الجميلة وفكرك الواعي .. لكن فى الحقيقة البلد دي متنازع علي اسمها .. الشعب لسة بيقول عليها بلد ووطن اما المسميها مزرعه باه وفاكرها عزبة ورثها عن اجدادة هو حر فى فكرة لكن هي بلد ووطن واحنا شعبة صحيح احنا شعب ملئ بالعيوب واهمها الخنوع بعد ما كنا شعب ثوري بس دا لان تربية الفراخ والخرفان زادت عن حدها والكل بيشارك فى تسمين العجول
اما موضوع عزام وخروجة بعد 8 سنين فمش عشان حسن سير وسلوك بالطبع
ولكن لان طلع عزام البرة السجن اكتر من عزام الجواة فاما يدخلوا تلت الشعب جوا السجن او يخرجوا عزام واحد ليهم برة فقررت السلطة عمل المنطقي
تقبل ارق التحية وياريت تشاركنا دايما بهذا الفكر الواعي
Mina
بشكرك على مرورك وتعليقك
والاروع تواجدك معنا
تحياتي لك
اختى العزيزة الزعيمة
و اللة موضوع التجسس دة كان شاغل بالى أوى
ياترى هو الواحد بيعمل كدة لية
أولا اليأس و الإحساس بالتهميش
ثانيا
الفقر
الثالثا
الإحساس بالظلم
رابعا
الإهانة
وعلى فكرة كل العوامل دى موجودة فى بلدنا
يعنى من الإخر مصر أصبحت بيئة خصبة لنمو الجواسيس
وربنا يرحمنا برحمتة
سلام أختى العزيزة
لا أثق فى قضية العطار و أشعر بفبركتها
تماما
لكن معك كل الحق
كلنا جاسوس
حسنا ... أختنا داليا .. الموضوع جدي و حساس لأبعد الحدود و العرض كان رائع بصراحة وواضح الروح الوطنيه لأنها تشع من بين السطور ،
أنا من رأيي أن موضوع الجواسيس خطير جدا ، ولكن في حالة الوثوق التام و الكامل في السلطه ولأن هذه الثقه منعدمة تقريبا فهناك مساحة كبيرة من الشك حتى يمرح فيها الفأر.
وبدون أي نقاش فمن يقبل أن يبيع تراب وطنه ولو بكنوز الكونت دي مونت كريستو فهو لايستحق الماء اللذي شربه من نيلها ولا الهواء الذي استنشقه من جوها .
تعليق على ما قاله الزميل (مصر هي أمي) أن الحرب بينا وبين اسرائيل انتهت في العلن ولن يهدأ الاسرائيليون حتى يحققوا مبتغاهم فهم كما يعرف الجميع لا عهد لهم ولا ذمام، فحرب الجواسيس مازالت قائمة ليضمنوا التفوق العلمي والمادي و العسكري على كل دول المنطقة.
عزيزي ابراهيم محسن .... الأمن الخارجي كالسياسة الخارجية لا تتمتع بأي قدر من الاهتمام بدليل دخول الجواسيس ووصولهم لهذه الأماكن دون اكتشاف فهذا وحده يعد فشلا لأجهزة الأمن
وأخيرا للجميع و لزعيمة هذه المدونة
أنا مازلت حديثا في عالم المدونات أرجو أن تشرفوني بالزيارة
لكم مني أرق التحيات
kaed
اهلا بك اخي الكريم
الاربع حاجات الذكرتهم فعلا سمات اساسية فى شعور ووجدام كل المصريين
الاحباط والفقر والظلم والاهانة
دول لوحدهم ميطلعوش جاسوس؟
دا يطلعوا مافيا جواسيس
بجانب غياب الحرية والشرعية وانتشار البطالة والمحسوبية واختلال القيم
ربنا يستر على البلد دي
تقبل ارق التحيه
نبيــذ
اهلا بك وتشرفت المدونة بمرورك
لا اعرف ملابسات قضية العطار بدقة ولكن الشرايط والادلة التي ضدة قدمت للمحكمة بواسطة عراقي حاول العطار تجنيده ولا اجد سبب لتلفيق تلك التهمه لة ولكن كل الشواهد التي قدمت للمحكمة تؤكد محاولتة لتجنيد عرب من دول مختلفة للعمل لحساب اسرائيل
والله اعلم بكل شئ .. تقبلي التحيه
max.adams
اولا برحب بيك لتشريفك المدون
ثانيا برحب بيك ترحيب خاص لدخولك عالم التدويين وابداء الراي الحر
مش مختلفة معاك فى فكرك حول حاجة اسرائيل الدائمة للتجسس على الاخرين ولكن اعتقد ان المعلومات التي لا تعرفها اسرائيل فقط ولكن العالم اجمع هي ان مصر القت بكافة اسلحتها من بعد عام 73 سواء السلاح العسكرى او السلاح التكنولوجي والعلمي
عندما قال السادات دي اخر حرب مصر حتخوضها اعتقد وقتها كلن القصد دا اخر تحدي مصر حتقوم بية على اى صعيد سواء الحربي او العلمي وسقطنا فى كل شئ حتي الرياضة والترفية وقريبا سنخرج من الحضارة بعد ان استبعدت الاهرامات من عجائب الدنيا السبع
تقبل ارق التحيه
؟؟؟ اين جديدك
مررت لأسلم فقط
تحياتي اختي الغالية
تعرفى إن الخونة للبلد من الداخل هم أشد وطأة و تدميرا من اللى بيتعاملوا مع دول أخرى و لون كلهم عايزين الحرق و بلا رحمة
بس أنا دايماً أؤمن ان الجرم المتنكر المستتر هو أبشع من الظاهر
و فى ظل نظام فاسد حتى القبض على الجواسيس ممكن يكون واجهة أخرى لزيف أكبر
اللى أنا بقى مش باقدر أفهمه هو شخصية الجاسوس ... إزاى أى حد فى أى وضع تجيله القدرة دى على الخيانة ؟؟؟؟
بيعجبنى النظرة الأعمق للأمور
صاحب البوابــة
الزميل الفاضل
ها هو جديدي طرحتة اليوم
اتمني ان نري تعليقك ورايك
تقبل تحياتي
el2ahwagi الاستاذ
الشئ المستتر دائما ابشع واقدر على الايذاء فالارهاب وحرب العصابات ابشع من الحرب العلنية الموجهه والاحتلال الاقتصادي والثقافي ابشع من احتلال الاراضي دائما الخفي لة ضرر اكبر
اما عن نفسية الجاسوس فلا ادري كيف ينام ويهدا لة بال طوال يومة وهو خائن لبلدة واهله وشعبة
!! ام ان الحاجة تقتل الضمير
لا ادري
تقبل ارق تحياتي
Post a Comment
<< Home