بلدنا محتاجه اية؟

احنا طلعنا أنانيين جدا يا جماعه

بأة لينا كام سنة عمالين نقول عايزين وعايزين وعايزين

عايزين ديمقراطية وحرية ونشتغل وناكل ونشرب ونجيب ونشتري ونعمل !

صحيح دي حقوقنا فى بلدنا بس لو كانت ظروف بلدنا صعبة

من حكم فاشي وموارد مسروقة وثروات منهوبة الى آآآآخره

لية كلنا زعلانين من مصر وبنبص لنفسنا ومش بندور عليها

لية كل اتجاة بيضرب فى التاني والضحية الوحيده هي مصر

مصر باسمها وقدرها وشرفها وترابها وامنها وتاريخها هي الضحية

تعرفوا البيحصل دا بيفكرني باية ؟

باسرة بسيطة لكن اصيلة فقيرة لكن كريمة

الام مريضة لكن اعطت كتير فى صحتها وشبابها

عندها اولاد كتير كلهم كبروا وبيدوروا علي حقوقهم

بس محدش فكر فى مامتة المريضة المحتاجة رعاية وحب

محدش فكر هي محتاجه اية كمان مننا زي اى أم ما بتحتاج

ياتري أم الدنيا وأمنا كلنا محتاجة منا اية؟

رعاية , اهتمام , عمل من نار , علم وابتكار

اخلاق وتسامح , إيمان بالله وعزيمة , محبه بين كل افراد الشعب

ثبات على المبادئ , تكافل بينا وبين بعض , عدل وحق

واية كمان يا ولاد وبنات بهية الغالية أم الدنيا ؟

صدق او لا تصدق

جريده اخر ساعه عاملة حوار مع التوربيني سفاح الاطفال

وبتسالة السجن احسن ولا برا قالها السجن طبعا

عشان بناكل وبنشرب ومحدش بيكلمنا

!! وكل يوم الباشا بيجيب لنا كباب

وقد ضحك العسكري وقال دا صحيح

كل يوم بجيب لهم كباب

والباشا(الظابط) بيديني 100 جنية

وتعبت يوميا اروح اجيبلهم وارجع

الحكومة بتوزع كباب على التوربيني وشلتة فى الحجز
محدش لة نفس يباة مع التوربيني ؟

امسك حرامي

من كم يوم وانا نازلة من شغلي فى وسط البلد

لقيت واحدة ست فى الاربعينات كدا

جاية فى وشي وبتجري وبتصرخ وتقول الشنطة مفيهاش حاجة

وامسك الولد داااااااا

انا بصيت ورايا بعد ما عديتني الست

ولقيت الشارع كللللله بيجري ورا الحرامي

وحتي العربيات بات تزنق علية لما طبعا مسكوه

وهاتك يا رزع وضرب وتلطيش

والست وصلتلهم وكملت المسيرة

وانا طبعا مخلصنيش امشي كدا

رجعت اتفرج واشوف اية الحيحصل

والشاهده لله الشعب دا شعب زي الفل

عنده حموه كدا ومروءة وشجاعه واخر جدعنة

اى حد معدي لية فى الموضوع ولا ملوش فى الموضوع

يمد ايده ياكلة الولد قلمين ع الماشي ..

ممكن المعدى نفسة اكبر حرامي ومرتشي ولا غيره

لكن مفيش مانع يشارك فى الحفلة النازلة على قفا الولد المسكوه

طبعا لو الناس دي نفسها شافوا مظاهرة

ولا حد بيقول امسك حرامية البلد الكبار

ولا حد منهم حيوقف يتفرج حتى ..

وكل واخد حياخد بعضة ويجري

حتي لو طريقة ناحية المظاهرة حيغير طريقة

لكن لما الحرامي يباه حتة ولد عدمان

وتتلم علية فوق ال500 شخص

وكل واحد يديلة الربنا يقدره علية من الضرب والتلطيش

يباة احلى شعب واحلى جمهور ..

هو طبعا الحرامي يستحق العقاب

بس مش يبأه ملطشة الشارع

وبعدين سلوك الجدعنة دى والناس التحب تخدم

مش بتيجي تمسك ليه فى الحرامية الكبار المش بيسرقوا شنطة بس

دول بيسرقوا الشعب كلة حتى احلامنا سرقوها ؟

انا طبعا رجعت البيت مفتخرة بعظمة المواطنين بتوعنا

وان ربنا قدرهم على ولد عمرة لا يتعدي 15 سنة

طلعوا فية غلبهم وقهرهم وقلة حيلتهم وبختهم

يعني كل واحد عنده مشكلة فى بيتة ولا حياتة ولا شغلة

ربنا رزقة بالولد دا نفس عن نفسة تمام

وسألت نفسي طب لية مسلمهوش للشرطه على طول

بدل ماهما مرمطوا بية ارض الشارع ..

ولية الناس دي متلمتش على الشباب التحرشوا بالبنات فى العيد

بالعكس اشتركوا معاهم فى الحقارة الحصلت

بس افتكرت حرصنا على مبدا المشاركة وان الشارع لنا

والشعب بما انة عارف وفاهم كل حاجة بس بيكتم لحسن يتحسد

فقالك يعني الشرطة تلطش بس واحنا ملناش نفس يعني !!

ولا الشرطة تنتهك المواطنات واحنا لاءة !!

اديني بنطبق سياسة الدوله واهو كله بثوابة

واخيرا تذكرت حكمة عظيمة خلدها الشعب المصري
الـلي لية ضهر فى مصر مينضربش على قفاه

تحب ترفع قضية على مين ؟

احدهم كان عائق لتحقيق احلامك

وقف فى طريق مستقبلك وغير مجري حياتك ..

احدهم اساء الى قيم واهينت تحت سلطتة انسانيتنا

تحطمت على يديه حقوق الضعفاء وذهبت عزتنا هباء

احدهم قتل نبع الابداع فينا وجفف نهر الحب

بقدرتة وسلطانة حرمنا من ما .. ومن نحب

احدهم تمعن فى ايذائنا واحبط شريان العزيمة

اخضع ارادتنا وقهر طموحنا وافسد ريان الفضيلة

لو صادفك اى من هذا العذاب الذي منينا به

فهنا نجعلك ترفع قضيتك فى محكمة العدل الانسانية

سواء كان خصمك

ظروف , اعلام , سفر , اشخاص , اقارب

سواء كان فقر او دراسة , او مسئول جائر

دع الجميع يري ملابسات الظلم والقهر الذي خضعت له غصب

وجرد ظالميك اشخاص كانوا او ظروف من رداء التخفي

دع الاخرين يقررون الحكم فى المقتص منه

" وفق شريعه الحقوق والعدل والانسانية "

فقط التزم بالامانة فى العرض وكن صادق مع نفسك

فمن الذي تريده ان يقف امام عدالة الله عز وجل

ثم الراي العام هنا ؟