بلدنا محتاجه اية؟
احنا طلعنا أنانيين جدا يا جماعه
بأة لينا كام سنة عمالين نقول عايزين وعايزين وعايزين
عايزين ديمقراطية وحرية ونشتغل وناكل ونشرب ونجيب ونشتري ونعمل !
صحيح دي حقوقنا فى بلدنا بس لو كانت ظروف بلدنا صعبة
من حكم فاشي وموارد مسروقة وثروات منهوبة الى آآآآخره
لية كلنا زعلانين من مصر وبنبص لنفسنا ومش بندور عليها
لية كل اتجاة بيضرب فى التاني والضحية الوحيده هي مصر
مصر باسمها وقدرها وشرفها وترابها وامنها وتاريخها هي الضحية
تعرفوا البيحصل دا بيفكرني باية ؟
باسرة بسيطة لكن اصيلة فقيرة لكن كريمة
الام مريضة لكن اعطت كتير فى صحتها وشبابها
عندها اولاد كتير كلهم كبروا وبيدوروا علي حقوقهم
بس محدش فكر فى مامتة المريضة المحتاجة رعاية وحب
محدش فكر هي محتاجه اية كمان مننا زي اى أم ما بتحتاج
ياتري أم الدنيا وأمنا كلنا محتاجة منا اية؟
رعاية , اهتمام , عمل من نار , علم وابتكار
اخلاق وتسامح , إيمان بالله وعزيمة , محبه بين كل افراد الشعب
ثبات على المبادئ , تكافل بينا وبين بعض , عدل وحق
واية كمان يا ولاد وبنات بهية الغالية أم الدنيا ؟
posted by الزعيـمة @ 8:56 AM
36 comments
36 Comments:
للاسف الشديد اكتشفت ان القومية بمعناها الصحيح لا تستقيم و ان تكوني ناصرية ...ففكرة القومية تعني رفضا تاما لفكرة التجزئة و ميراثها الثقافي ...و اعتقدد ان الناصرية و البعثية و غيرها وليدة ثقافة القطر او الدولة ...و عموما ان لا ااخذ موقفا من عبد الناصر و لكن أرى ما ذكرت.
زعيمة
الوطن دايما بيبقي شعب وحكومة
انتي بقي سافرتي برة
وعرفتي اللي بره بيبصوا للشعل ازاي ولا الحكومة ازاي
دي مهزلة بجد
مصر كشئ مادي كدولة فيها ارض وسما ومش فيها ناس
انا معاكي انها هتكون ام الكون كله مش الدنيا بس
لكن الحومة بتعسفها وجبروتها اجبرت الكل او معظم الناس علي السرقة والنهب والرشوة
في اغنية لعلي الحجار بتقول ايه بقي بعتهالي مدون في كومنت قبل كدة ليا
يا مصري ليه دنياك لخابيط
والغلب محيط
والعنكبوت عشش عالحيط
وسرح علي الغيط
يا مصري قوم هش الوطاويط
كفاياك تغليط
صعبة الحياة والحل بسيط
حبة تخطيط
فتحت باب استيرادك
وصرفت فوق ضعف ايرادك
حلي للخواجة استكرادك
سابك بتقرا في اورادك
ودة قشاطك ونزل تشفيط
ومهوناتي تحب تظيط
ساعة الفرح زغاريط تنطيط
وفي المياتم هات يا صويت
وفي المظاهرات سخن تشد
وبلانتخاب تنسي التصويت
وليه بترشي و تتساهل
وتبيع حقوقك بالساهل
تستاهل النار تستاهل يا غويط
ويحسبك الجاهل
ساهل وساهي وغبي وعبيط
يا مصري يالي الغلا عاصرك
والنهج في عصرك حاصرك
كن للحياة واسبق عصرك
ولا حاجة هترجع مصرك
الا ان تكون شغال ونشيط
يعني لو صلحنا نفسنا ما الحكومة ورانا
طب لو الحومة اتغيرت واتصلحت تفتكري هنسيب اللي اتعودنا عليه وهنبقي احسن
الزعيمة
كلامك جميل و ياما فكرت فية بس في النهاية بصل لنفس نتيجة سمراء النيل و علي فكرة الاغنية دة معبرة جدا و عندي علي الهارد بس كلامها فكرني بأغنية جميلة جدا و معبرة عن مصر لمنير
منرضــــاش يخاصم القمر سمــــاه
منرضــــاش تدوس البشر بعضــها
منرضــــاش يموت جوا قلبى نـداه
منرضــــاش تهاجر الجزور ارضها
منرضــــاش قلبى جـــواى يغنى
واجراس تدق لصرخه ميـــــــــــلاد
تمـــــــــــوت حتـه مــــــــنــى
الاجراس بتعلن
نهايه بشر من العباد
دي الحكمه قتلتنى وحيتنى
وخلتنى اغوص فى قلب السر
قلب الكـــــــــــــــــــون
قبل الطوفان ما ييجى
خلتنى اخاف عليكى يا مصر
واحكيلك ع المكنـــــون
مين اللي العاقل فينا
مين مجنــــــــــــون
مين اللي مدبوح من الالم
مين اللي الظالم فينا
مين مظلــــــــــوم
مين اللى مايعرفش غير
كلمه نـــعم
مين اللى محنيلك خضار ؟؟
الفلاحين الغلابه
مين اللى محنيلك عمار؟؟
عمالك الطيابه
مين اللى بيبيع الضمير
...ويشتري بيه الدمار
مين هو صاحب المسأله
والمشكله
والحكايه والقلم؟؟
رايت كل شئ
وتعبت على الحقيقه
قابلت فى الطريق
عيون كتير بريئه
اعرف بشر عرفونى لأ
لأ ماعرفونيش
قبلونى وقبلتهم
بمد ايدى لك
طب ليه ما تقبلنيش
لا يهمنى اسمك
لا يهمنى عنوانك
لا يهمنى لونك
ولا بلادك مكانك
يهمنى الانســـــــــان
ولو مالوش عنـــــــوان
ياناس ياناس يا مكبوتة
هى دى الحدوته
حــدوته مصريــــــــــــه
يا زعيمة كلمة أم الدنيا خلاص بقت زكرى
محدش لا فى مصر ولا العرب عادا يفتكروها ولو افتكروها هى فين مصر
المشكلة ببساطة أن أمنا بتأن وتأن وتأن ولا حياة لمن تنادى الكل بيدور على مصلحته ونسى أمه اللى فى الضلمة تضمه صدقينى خافت منا
صدقينى خافت منا
الغريب
محمود
وما العيب فى ان تكون فكرة القومية
هي فكرة رافضة تماما للتجزأة ؟
فهذا اساس القوة وهو التوحد
دول كثيرة تبحث عن اى توافق مع دولة اخري سواء باللغه او الدين او القومية لتعمل منها وحده ونحن نفرط فى كل الروابط ؟ايهما اولى بالاعتبار
عزيزتي سمرا النيل
مصر ارض وسما وشعب برضة
فية ناس اصيلة وكريمة وطيبة كتير
صحيح الغالب الوقتي وطافي على السطح هو الزبد ولكنه يذهب هباء
اما ما ينفع الناس فحيستمر وجوده مهما اتحارب انا يمكن متشائمة جدا فى نظرتي للوضع لكن بحاول الاقي شئ ايجابي عشان اتمسك بية
micheal اخى
بجد الاغنية رائعه وبتمس مشاعر حب الوطن داخلنا جميعا لكن اية الحل ؟
خايفة يوم مصر تسالنا لية سبتوني واتخليتوا عنى وما اثمرش فيكم حبي وحضني ؟
مش عارفة حنرد ونقولها اية ؟
كلامك انت وسمراء النيل صحيح
بس خايفة من مسئولية الابن تجاة مامتة
وياتري حنقدر نعمل اية ؟
دكتور مع ايقاف التنفيذ
طب هي وهبت لنا نفسها كأم الدنيا
اية الخلاها مش ام الدنيا ولا حاجة؟
مش احنا برضة الارهقناها ولوثناها ونشرنا الفساد والافساد فيها ؟
مصر احنا ظلمناها وبكرة حندفع تمن ظلمنا ليها
elgharep
مصر أم منهكة مريضة بردانه محتاجة ولادها جنبها يشيلوا عنها حملها ويحلفوا بشرفها ليرجعولها ارضها وحلمها ويهيبتها بس هما فين ولادها ؟
ارق تحياتي لكل ابناء مصر الشاركونا
مصر محتاجه ان احنا اللى نتغير وهيه تتغير لوحدها
سلااااااااااام
happy new year
انا لم اقل ان هناك عيب بالفكر القومي انه مضاد للتجزئة بل ارى ان هذا هو الصواب بعينه ...ما قصدته هو ان نكون قوميين ينبغي علينا الغاء كل ميراث التجزئة من اذهاننا فمثلا انت قلت دولة تتحد مع دولة في حين ان الامة العربية كلها شعب عربي واحد و ما الدول الموجودة الان و انظمتها الا ميراث التجزئة...و هنا انتقدت فكرة ان تكوني ناصرية و قومية في ان واحد ...فالناصرية كما ذكرت مسبقا هي ايضا احد ميراث ثقافةة التجزئة التي ولدت داخل فكرة القطر او الدولة المصرية.. فانا ارى ان فشل تجربة الوحدة بين مصر و سوريا هو انها قامت على وحدة دولتي مصر و سوريا و ليس وحدة الشعب العربي في مصر و سوريا...ما اقصده انه لكي نحقق الوحدة العربية يجب ان ننسى اصلا كل ما كان وليد الاستعمار و التجزئة من دول و انظمة..
مين قال كده كلنا بنحب بهيه
هو احنا لما بننتقد حكام بهيه العملا
مش علشان صعبان علينا الناس تقول على ام العروبه بلد الخونه
مش لما بنتكلم على الفساد والمفسدين بنعمل كده علشان صعبان علينا ان الناس تقول على بهيه بلد الحراميه
احنا صعبان علينا بهيه علشان صعبانه علينا نفسنا وبنحب بهيه علشان بنحب روحنا , أحنا مصر ومصر احنا
مصر يا امه با بهيه
يا ام طرحه وجلابيه
الزمن شاب وانت شابه
هو رايح وانت جايه
عيدكم سعيد ومبروك
كل عام وأنت ومن تحب والجميع بخير وبلادنا أفضل
أرق وأطيب تحياتي
أروى الطويل
فعلا ان الله لا يغير ما بقوم
حتي يغيروا ما بانفسهم
empire
happy new year
محمود
اتفق مع ما قولتة
واشكرك على زياده التوضيح
shady
احنا بننتقد بس للاسف مش عارفين نصلح
يمكن غصب عننا لان الحكم مش فى ايدينا
بس كم سنة وكل واحد حيهتم ببيته وولاده اكتر وحتي الكان بيقول بهية حيقول ولادي وبيتي اولي بيا
IBN BAHYA
كل سنة وانت بخير ومصر بخير
اخوانى واخواتى الكرام
كل عام وانتم بخير بمناسبة
عيد الاضحي والعام الجديد
وعيد ميلاد السيد المسيح علية السلام
ارق تمنياتي لكل شعب مصر
مسلمين ومسيحيين بان يعيد الله تعالى الاعياد علينا جميعا بكل خير ومحبة
وان يحفظ مصرنا الغالية
من كل مكروه وسوء
للجميع التحية
مصر كبلد أثبتت على مدار التاريخ أن بها من المقومات ما يجعلها دولة عظمى ترعى أولادها بشرف أن أخلص لها بنوها
وعلى النقيض فهى دولة مكسورة ذليلة أن أنتشر فيها الفساد والأنانية والطغيان
المشكلة ان كل واحد رامى حملة على التانى وفاكر ان الحال هيتغير وكل واحد كل حاجة تيجة لة جاهزة
لكن لو كل وااحد كان عندة بداية صح وعمل واجنهد الحسبة تكون حاجة تانية
تحياتى
كل سنه وانت طيبه والاسره الكريمه بخير
كل سنة ومصر طيبة ....
و أنا بقرأ افتكرت الناس البتقول :
متقولش هنأخد إيه من مصر ..قول ندى إيه لمصر
بس مشكلة أى حد بيتكلم عن الموضوع ده ..بيعمم وميحددش نتجه فى إيه بالظبط ...لو كلنا مسكنا عيب عيب و أقعدنا نصلح فيه مع بيعض ..مصر ساعتها هترجع أم الدنيا ...بس لما كلنا نمشى مع بعض وندى لمصر ..ونكون مع بعض .....
من جارتك فى حب مصر
كل سنة وانتي طيبة يا زعيمة
ويناد عليكي باليمن والبركة
ويارب يتحقق اللي انتي بتتمنيه
ana m3aki law elnaas eshtaghalet besedq w 7abet ba3daha betasamo7 wbattalet morawaghat 3ashan masale7 shakhseya... yemken da mayedeesh forsa lel7okam ennohom yel3abo bemasa2er elsha3b da...
bas lelasaf bashoof weba2ra nas keteer shaklohom wataneyeen bas law fe yoom ba2o 7okam...mosh haykoono gheer noskha men el7okam el7alyeen beshakl aw be2akhar...!
kol sana wenti tayeba..!
كل عام وكلنا أحسن من كده
أكيد كلامك صح يا زعيمه ولازم نكون كده .. وطلب حقوقنا ليس معناه9 اننا ننام ونستنى لما تتحقق
لأ طبعا اللي فهم كده يبقى غلطان
بهيه عايزه مننا كتير أوي .. صح كلامك
بس برضه إحنا عايزين منها كتير برضه حتى ولو كانت مريضه وبتموت .. يعني إيه كلمة وطن؟
حد عارف؟
يعني ضمه في التعب وليالي الخوف .. يعني لقمه من غير ذل .. يعني هدمه في البرد وقله في الحر وبرشامه لما نقع عيانين
لكن يا زعيمه اللي حاصل غير كده
عشان كده ولاد بهيه مطنشين
ده ش مبرر برضه ولا كلامي متناقض
لكن ما أقصد قوله هو أن المطالبه بحقوق المواطنه لا يمكن أن تتعارض مع أداء ما علينا من واجبات إلا إذا كانت هذه الواجبات ستعطل نيل حقوقنا .. عندها نتوقف ونصرخ عايزين حقنا
بس كده
أرق تحياتي
بلدنا مش محتاجة حاجة
بلدنا فيها كل حاجة
:)
احنا الي محتاجين بلدنا من كل حد مش بيخاف عليها
كل سنه وانت طيبه
بلدنا مش محتاجة حاجة
بلدنا فيها كل حاجة
:)
احنا الي محتاجين بلدنا من كل حد مش بيخاف عليها
كل سنه وانت طيبه
بلدنا مش محتاجة حاجة
بلدنا فيها كل حاجة
:)
احنا الي محتاجين بلدنا من كل حد مش بيخاف عليها
كل سنه وانت طيبه
أذا كان رب البيت بالدف ضاربا , فشية اهل البيت الرقص .
يجي اصلاح النظام و الرؤس حتي يبتدي الحال في الانعدال لاكن طول ما احنا بنقول كبر هو انا الي حصلح الكون ماهو المدير فاتح درجة يعني جت علي الغلبان الصغير الي زيي و هلما جرا فلا امل في اصلاح
زي بالظبط ما بيقولولك اية البلد موش نظيفة كلها زبالة ... طيب مين الي رما الزبالة في الشارع و مخلهاش بقيت نظيفة البلد الحكومة الداخلية و لا يمكن جمال مبارك
احنا بدل ما نحترف مهنة احترفنا تعليق اخطائنا علي الشماعات
تلك هي المشكله
ROMIL
وجع دماغ
مصر دولة غنية وقوية وزي ما قولت بها كل المقومات لكن عليها شوية غبار على فساد على محسوبية على طناش الدفة المغبرة هي التقيلة فنزلت كفة البلد كلها لاسفل مهمتنا نعادل الكفة ونزود ونرجح كفة عظمة بلدنا
tamer
احنا فعلا مفتقدين لشئ اسمة روح الجماعه والتعاون والعمل العام .. احيانا بحس ان الناس صحيح فى الغلب سوا ولكن فى نفس الوقت بيكرهوا وبيحقدوا على بعض ودا المؤسف اكتر
المهاجر المصري
كل سنة وانت بخير وربنا يرجعك لبلدك ولاهلك بالف سلامة ويوفقك
Noranعزيزتي
كل سنة وانتى بالف خير
هي المشكلة نفسها محتاجين تنظيم وقياده حازمة وحكيمة وبنفس الوقت رحيمة
تجمع الشعب على مبدأ وتصلح حاجة حاجة لكن كدا مش حنقدر نعمل اى حاجة
smraa alnil عزيزتي
كل سنة وانتى بالف خير وسنة سعيده عليكي تحققي فية كل احلامك
el2ahwagi
كل سنة وانت بخير
ماهي المشكلة برضة اننا معندناش ثقة فى اى حد الوقتي من البيظهروا كوطنين واقولك الحق الشعب هنا مش بيثق فى بعضة اساسا من كتر ما اتفرقوا شعب واحزاب واتجاهات فتلاقي كل واحد مترقب للاخر وحذر منه والواحد مش عارف يبدأ يصلح البلد لان الناس نفسها مش متوحده على مبدأ ولا على قلب رجل واحد
IBN BAHYA
كل سنة وانت بتحب مصر كدا واكتر
والهي الواحد احتار بجد يعني كنت كاتبة الموضوع حاسة اننا مقصرين فى حق مصرنا الوقتي مشتتة وحاسة برضة انها مقصرة فى حقنا لان فكرت فى الانت قولتة لقيت ان لا علاج بيلاقية مريض ولا لقمة بسيطة بتسد رمق جعان ولا بيت نظيف بيضم بردان .. يباة اية العمل باه ومين يدي التانى حقة الاول ؟ احنا ولا بلدنا؟
LionKing
كل سنة وانت اطيب
الحكاية اتعقدت بجد
مين محتاج لمين ومين يدي التانى الاول ؟
شكل الموضوع محتاج بوست جديد
yasser_auf
احنا للاسف احترف مهن كتيرة غير تعليق اخطائنا على الشماعات
احترفنا الكدب والحقد والغش والخديعه من اقل مواطكن غلبان لاكبر حرامي فى البلد بس برضة اجى واقول التغيير مش بيبدا من القمة ولكن القمة بتتغير لما القاعده العريضة بينصلح حالها
ROMI
بل اكثر من مشكلة
اخواتى واخوانى المدونيين
اهنئ كل واحد منكم شرفني بمرورة وتعلقية بالعيد وبالعام الجديد
وكل عام وحضراتكم واسركم الكريمة بكل خير وصحة وسعاده
بجد مبسوطة اوى انى لقيت حد لسه بيقول قومية و مصر ام الدنيا
bagabigo عزيزتي
كتير بيقولوا قومية ومصر ام الدنيا
بس مين يسمعهم ومين يعي ما يقولون
تشرفت كثيرا بمرورك
ارق تحياتي لك
عزيزتي الزعيمة
إذا كانت الأم مريضة و معطاءة و الأولاد مطالبون ببذل كل شيء من أجل أمهم فلتعلمي أن الأب جشع و طماع و لن يترك شيء من عرق أولاده يذهب لأمهم بل سيستولي عليه كما استولى على شباب زوجته و يناعتها و صحتها
لذلك لن يفعل الأولاد شيء لأمهم قبل أن يذهب أباهم إلى الجحيم
----------------------------
لم أر في مدونتي كل هذه الردود على أي من مقالاتي و لا أعرف هل السبب هو النوع ( الجنس ) أم شيء آخر
سأحاول إضافة تاء التأنيث لإسمي لعل و عسى
MEMES
ازاي والبلد منهوبه
مصر هي احنا مصر مش هوا مصر شعب والشعب عايز حقه ولو مخدش حقه يبقي كلامك هو صح ان مصر منهوبه
مصر عايزه حقها يعني الشعب عايز حقه
ايها الناس
في الثامن عشر من يناير عام 1977
خرجت جماهير الشعب المصري بعفوية ضد مهازل النظام الفاسد الجاسم على أنفاسها
يومها خرج علينا رئيس الجمهورية السابق واطلق على انتفاضة الجياع في مصر لفظ حرامية على الانتفاضة وعلى فقراء وجياع شعبه
بعد أسبوعين من اليوم تهل علينا الذكرى الثلاثين لهذه الانتفاضة، علينا رد الاعتبار لهذا الشعب ولخروجة المقدس
ورد الاعتبار لشهداء يومي الإنتفاضة في القاهرة والإسكندرية الذي تجاوز الألفين من المصريين الفقراء
فعلا بلدنا محتاجة ايه سؤال صعب لكن فين بلدنا وفين خيرها مش لينا
امنا لما بتدى بتدى ولدها مبتبخلش عليهم لكن احساسنا انها بتبخل علينا هو اللى مخلينا مش حسين بيها ممكن مش هى كأرض ولكن نعود ونسأل السوأل المؤرق من همالذين جعلونا نشعر فى بلادنا بغربةةةةةةةةةةة
ايتها الزعيمة الناصرية العظيمة
كل عام وانتى بخير
بلدنا محتاجة لناس زيك
ناس نفسها تغير
ناس بتحب البلد بجد
مش شعر وقصايد
baladna me7taga nas tekhag 3aleeeha begad mesh nas temoutaha
nas 3ayza te3mel 3adl mesh tholm we qahr baldna me7taga mota3leemen begad mesh nas m3aha shahdat game3eya we bas baladna me7taga 7orreya lekol el nas regala we setat
Zeus الاستاذ
سعدت بتعليقك ولكن
**********************
أر في مدونتي كل هذه الردود على أي من مقالاتي و لا أعرف هل السبب هو النوع ( الجنس ) أم شيء آخر
سأحاول إضافة تاء التأنيث لإسمي لعل و عسى
MEMES
******************
تاكد ان هناك مدونات للذكور ضربت الرقم القياسي فى التعليق ومنهم الاخ المهاجر المصري وكثيرين جدا
وهذا ليس لة علاقة بالنوع ولا الجنس الا فى فكرت انت فقط
هناك عوامل اخرى من حيث الفكرة واسلوب العرض وبساطته
واسلوب الرد على التعليقات
وتبادل الزيارات
بين المدونات وبعضها
واهم شئ هو
الاحترام المتبادل الراجع لنزاهه العقول وتفتحها وحسن الظن بالاخرين
زورت مدونتك بمحض ارادتي قبل ان تزورني وعلقت فيها لانى رايت ما يستحق التعليق
وكنت لارحب بك ترحيب خاص
لولا هذة الاسطر التى لم اري لها مبرر
وله نهايه
مصر هي احنا بس احنا مش مصر
احنا البنسئ لكل شئ فيها
بس احنا مش زيها انكسرنا وبندور على اليشد ايدينا
مصر ما بيدها حيلة اما احنا لنا الف حيلة وحيلة
شوية همه ومحبة ونرجع احسن مما كنا
الشعب
ومن الذي سيخرج وينتفض ويرفع غبار الذل عن نفسة واهله واولاده ؟
اتمنى ان اري هذا الشعب الذي بات جثة هامده ينتفض ويرفع راسه يوما
malk almasria عزيزتي
كل عام وانتي بالف خير
هو نفس السؤال الصعب
مين البخل على مين ومين يبدا يدي لمين
بلدنا الضعيفة عشان تدينا لازم احنا ناخد باديها ونقومها من الاصابها وامرضها ولا حنسيبها جثة كدا للكلاب السعرانه ؟ الواحد بجد احتار
poet@mad man
اهلا بك وسعيده جدا بزيارتك وتشريفك
كل عام وانت بالف خير
zordeak
بلدنا محتاجة ناس زينا كلنا
زي الكتب والمر واحترم الفكره وحس بنبض الوطن بيضغط على اوتارة وشراينة بيقولة قوم وحررنى وغير الصابني
مصر محتجالنا كلنا
maf2ou3a
فعلا زي ما قولتى بلدنا محتاجة علم وعدل وحرية للجميع
بلدنا محتاجة كتير وكتير
بلدنا محتاجة كل واحد يعمل اليقدر علية
لما كل الشباب والبنات الزاروا الموضوع فكروا مصر محتاجة اية
والمع نفسهمم واصحابهم بيسالوا نفسهم نفس السؤال مصر محتاجة اية
اعتقد حيجي يوم وندي مصر المحتجاه وتتغير بلدنا على ايدينا وبفكرنا وقلوبنا وتسود العدالة والمحبة
تشرفت بمروركم جميعا وتبادلكم الراي والتساؤل حول اولويات احتياج بلدنا
واعتقد طلعنا ببعض الافكار الجيدة
واهمها ان مصر محتاجة لكل واحد فينا مهما كان بسيط او قدراته محدوده
للجميع ارق التحية واطيب الامنيات
عزيزتي الزعيمة
لم أكن لأكتب في عقر دارك ما هو بمثابة إمتهان لكِ و أعتقد أن هذا واضح و منطقي و لكنها لحظة تقرير لواقع خرجت عفواً في مدونتك و ليست لها أهداف بعيدة أو معاني خفية و لا هي تصفية لسابق و لا هي تنحية للاحق .. إنها حقيقة عزيزتي و لا اعتراض عليها إذ هي ثقافة شعوب مهما بلغ بها التمدين و الحضارة مهما اتسعت آفاقها فالبدائية تسكن وجدانها و تتغلغل في جيناتها الوراثية و تنتشر في ثنايا فكرها
و أود توضيح أمر هام و هو أنني لم أنشيء مدونة و لم تخلق المدونات للنقاش و تجميع الآراء و إنما هي نوع من العبير الحر عن ما يختلج في النفس و بالتبعية لم و لن يؤثر في عدد التعقيبات اللهم إلا إذا كان استفسارات أو إستيضاحات و لكن ما أحزنني هو اللامسئولية في بعض المدونات و البدائية في بعضها الآخر
و لستِ مقصودة بما سبق
***********************************
وهذا ليس لة علاقة بالنوع ولا الجنس الا فى فكرت انت فقط
***********************************
أشكرك سيدتي الفاضلة على هذا التلميح اللذي قد يكون واقعاً و قد لا يكون
و كونك أفردتي لي رداً مستقلاً فهو في حد ذاته حفاوة منكِ أقابلها بالإمتنان و العرفان و أجزل لكِ الشكر عنها
MEMES
Post a Comment
<< Home