الكنيسة المصرية فى مواجهة العلمانية
فصل جديد من الاتهام بالتكفير والشرك
اصابت الدكتور جورج بباوي واصبح الحوار الديني داخل مصر
دائما ما يرد علية بالاتهام بالتكفير والالحاد والخروج عن المله
فى الفترة السابقة واصل العلمانين المسلمين وشاركهم الاقباط
هجومهم ضد الموروث الديني والاجتماعي وطرحوا محطات للعقل
فتصدت لهم القيادات الدينية المتمثلة فى الازهر الشريف
بتهم الشرك والكفر وكان من ضحايا ذلك الكثير من المثقفين المسلمين
وجاءت تيارات الاصلاح والعلمانية لا تفرق بين دين واخر
فهاجمت الكنيسة المصرية وحثتها على الحوار الاصلاحي واعمال العقل
فكان الرد من الكنيسة المصرية كرد الازهر الشريف بنفس تهم التكفير
من ماكس ميشيل الى جورج بباوي والفترة المقبلة ربما تشهد كمال زاخر وآخرون
البابا شنوده بابا الاسكندرية وبطريرك الكرازة المرقسية
يقول عن العلمانين انهم ضعاف الصوت داخل مجتمع الاقباط ..
ويردوا علية بطلب الحوار وفتح باب المحاكمات الكنسية علانيا
الانبا بيشوي سكرتير المجمع المقدس كانت رسالتة واضحة
في لغة تهديدها للإصلاحيين ..
بينما اتهمه جورج بباوي بانة سبب اثارة الفتن
بالفتاوى القبطية التى يطلقها داخل الكنيسة منها مناشدتة للاقباط
بعدم التبرع بالدماء للمسلمين حتي لا يدخلوا الجنة
لان دماء المسيح تجري فى دورتهم الدموية
وتم نشر هذة الفتوي فى جريدة صوت الامة بتاريخ 26 فبراير الماضى
وتم اعادة طرحها من خلال اتصال تليفوني بجورج حبيب
فى برنامج الحقيقة السبت الماضي للاعلامي وائل الابرشي
والحلقة لم تنتهي الا بتبادل التهم الى حد اتهام قسيس كنيسة مصر الجديدة
علنا لكمال زاخر بالهرطقة والخروج عن الايمان
بين الفتاوى التى تحدث فتن وانقسامات ورفض الحوار
الى حرب الاصلاحيين الاقباط ضد تهم التكفير والهرطقة
واصرارهم على تجاوز زمن الكنيسة فى القرون الوسطي
وصكوك الغفران ومحاكم التفتيش التى كانت تحرق وتضطهد المخالفين
!!! بين كل ذلك يقع جمهور الاقباط تحت مطرقتين
منهم من مع الاصلاحيين فى دعاويهم وافكارهم ومطالبهم
ولكن يخشي طرح مشاكل الكنيسة الداخلية امام الاعلام العام والمسلمين
!! كما اقرا ذلك فى كثير من المواقع القبطية ولا ادري لماذا فنحن لسنا اعداء
وحتي مبدا المواطنة الكاملة التى يبتغيها الجميع تقر بأن
هي مشكلة جديرة بالطرح والعرض والتحقيق
و على المجتمع المصري باكملة الاشتراك فى التناول والحل
فضلا ان كثير من الاصلاحيين وحتى العوام من الاقباط
فهل يتغلب جموع الاقباط على هذة الحساسية التي تؤدي لانغلاقهم
فتلك رؤية ضيقة لان ما من عقيده الا ولها افكار مغايرة
فى تناولها داخل المجتمع الواحد من اتباعها
والسؤال المهم لنا هو حقيقة مطالب الجمهور العريض
ولكن هل وقتها سيكون لديهم مصداقية اذا ما وقفوا مع نفس المطالب
posted by الزعيـمة @ 11:11 AM
14 comments
14 Comments:
مواضيعك كلها أهم من بعضها يا داليا...أنا بقي من أنصار الكنيسه لاني حاسس أن الاصلاحيين كل هدفهم التخريب في الكنيسه و خلق أجواء التوتر و المشاكل بها باستمرار و ده يصب في مصلحه الكنيسه البروستانتيه بأمريكا التي تحاول فرض هيمنتها حتي في الدين و يمكن ده يكون في مصلحه اسرائيل بدرجه كبيرة كمان لان من المعروف أن اسرائيل تلقي تأييدا غير عادي من الكنيسه البروستانتيه بينما الكنيسة الارثوذكسيه برعايه البابا شنوده منعت حتي رعاياها من الذهاب للقدس
بخصوص اللقاء القادم حيكون يوم الجمعه و لو عايزة تنورينا و تعرفي تفاصسل المكان زوري
http://amyasser.blogspot.com/
مستنيينك تنورينا
انا طبعا اهنيكي علي البوست ده بس عاوز طبعا الخير ما بين الاتنين
micheal
جميل ان اعرف وجهه نظر
زميلنا الطيب مايكل فى مسالة
شديدة الاهميه بالنسبة للكنيسة المصرية .. ولكن يا صديقي العزيز
انها دائما تهم التكفير التى ارفضها
مهما كان وجهه نظرنا فى من يسموا
انفسهم بالاصلاحيين واتذكر انك قلت مرة
انك مشجع للعلمانية فعندها يصبح
كل قضايا التكفير والاتهامات كهذة مرفوضة في نطاق الفكر العلمانى
جورج بباوي طلب محاكمة علنية
ورفض الاتهمام والقرارات التي اتخذت
دون محاكمة له فهذا حقة حتي وان كانت
افكارة نفسها خاطئة من وجهه
نظرنا الدينية ولكنة لم يصرح بخروجه
عن الايمان مثلا او بتركة المسيحية ككل
او كما فعل على سبيل المثال المريض كريم عامر الذي لم يخرج من الاسلام فقط
وانما سب وشتم الرسول
علية الصلاة والسلام والمسلمين
والدين باكملة ولكننا نجد للاسف
مواقع التضامن معه كأنة مظلوم وضحية بحجة الدفاع عن الراي والفكر
لكن جورج بباوي مختلف ولم يفعل فعله
كل ما اراده هو الحوار ومحاكمة عادلة
انا لا اختلف معك فى وجهه نظرك
لاطروحات الاصلاحيين وانك ترفضها
فهذا رايك بحكم انك تعلم
فى هذة الامور اكثر مني
ولكن الا تتفق معي ان الحوار هو الحل وليس الفصل من الكنيسة والابعاد عن الايمان ؟ هذا ما اراه من وجهه نظري
شكرا لدعمك للحوار
fares
شكرا على مروك وتواصلك
وجميعنا نتمني الخير للجميع
والكنيسة المصرية عودت العالم كلة
على تسامحها واحتوائها لكل الاراء المختلفة والتى تجعلها متفردة بذلك
عن كنائس الفرق الاخري من كاثوليك وبروتستانت وانجيليين
ونامل ان تستمر كما عهدناها
ارق تحياتي للجميع
أزيك ياحضرة الزعيمه؟
ده حضرتك مستلمه بقى الجوانب الدينية وبتناقيشها من كل الجوانب
هو حضرتك بتدافعى عن العلمانية ؟
أولا يهمنى حضرتك تفرقى بين الاسلام والمسيحية لأنهم مش نفس الموضوع
الكنيسه كانت وأعتقد لازالت متحكمه فى كل كبيره وصغيره
على عكس الاسلام
الاسلام كل اللى عمله انه حط خطين متوازيين اللى هموا القران والسنه
طالما انتى ماشيه على الخطين دول يبقى خلاص مافيش مشكله
انما الكنيسه عايزه تبقى القاطره كمان
على كل حال خلينى أقولك انا ملاحظ الصراع بين الكنيسة والعلمانيين فى بريطانيا مثلا
فى قانون للأسف الشديد هايصدر فى بريطانيا والكنيسه كانت ولازالت وافقه ضده
اللى هو قانون بيسمح للمثليين بتبنى أبناء
طبعا الكنيسه رفضه تماما الاعتراف بزواج الشاذيين جنسيا انما للأسف
الحكومه البريطانية أعترفت بيه كجواز رسمى استنادا على مبدأ حرية الفرد
يعنى اذا الصراع ده مش فى المنطقه العربية بس أهه
ده فى الدول الغربيه كمان
وهو صراع قائم وهايظل قائم
بريطانيا علشان علمانيه هاتوافق على قانون التبنى وده هايصدر خلال ايام على الرغم من أن كل الكنائس البريطانيه رفضته
والله بجد نفسى تعرفى ان الاسلام والمسيحية مش بيكفروا اللى بيفكر
انتى عندك أمثلة كتير لناس طلعه بتفكيرات شاذه والأزهر ولا أتكلم ولا فتح بقه
انتى عمرك شفتى اى حد بيفكر وأتسجن علشان بيفكر بس؟
مش ممكن تحصل أبدا
وشكرا
سلام
hassan
اهلا بزميلي الفاضل حسن
انا تناولت هذة القضية من منطلق
انها خاصة بالكنيسة المصرية
وتخص الاخوة الاقباط المصريين
ولان مشكلتهم هي بالتاكيد جزء
من مشكلة مصرية طبقا لمبدا المواطنة
اولا انا لست ضد حرية الفكر والاختلاف
طالما عندك رغبة فى الحوار حول فكرك
كما فعل الدكتور جورج بباوي
ولكنى فى نفس الوقت
ضد الشتيمة والسب فى اي دين
كما فعل المريض نفسيا كريم عامر
فى سؤال حضرتك ليا
(هو حضرتك بتدافعى عن العلمانية ؟)
لاء .. انا مش بدافع عنها ولا ضدها
بدون مسميات علمانية ويسارية ووو
انا مع المصداقية والحق وضد تكفير اى حد
الا اذا هو نفسة اعلن انه خارج
من الدين دا وملته فيصبح كافر بهذا الدين طبقا لاعلانة عن ذلك بوضوح
وحتي لو خرج من الدين فهو وشأنة
فمن شاء فليؤمن ومن شاء فليكفر
وحسابة على الله
فقط لا يتطاول بالاساءة لاتباع نفس الدين ولا غيرة .. ممن ارتضوا لانفسهم الايمان
بالنسبة لرفض الكنيسة للمثليين
فانا معاها طبعا ومش بس الكنيسة والديانةالمسيحية بل كل الاديان
بترفض الممارسات الشاذةوالغير طبيعيه
سعدت بتعليقك وتقبل تحياتي
داليا
أنا قلت أني من أنصار العلمانيه الداعيه الي فصل الدين عن الدوله و الحكم لاني مؤمن أن الدين دوره تهذيب سلوك الفرد و لكن مسأله الحكم دي متروكه للقوانين و الدساتير المدنيه....و أنا شايف في مسأله جورج بباوي أن االحوار لابد منه حتي و لو كنت أري ضروره استئصال أي محاوبلت هدامه لتمزيق وحده الكنيسه...مين عارف يمكن الحوار يجيب نتيجه معاهم...بس في النهايه أنا برضه عندي ثقه كبيرة في حكمه و حمكه البابا شنوده
سعيد بالاحوار المثمر معكي يا داليا
micheal
زميلي مايكل
انا كمان معاك فى مسالة
ان الدين لتهذيب سلوك الفرد وتنظيم حياتة الاجتماعية وغيرها
اما السياسة والحكم فهو للدساتير والقوانين - فقط بما لا يحلل حرام
كما يحدث فى الغرب من اباحة سلوكيات
محرمة من الاديان كالمثيلية والشذوذ
والعلاقات خارج نطاق الزوجية وغيرة
لان الاديان ارقي واعلى من ان تدخل
فى صراعات سياسية ومشكلات تعدديه
ومتفقة معك ايضا فى ضرورة الحوار
ودا البطالب بة اى مؤسسة دينية
سواء اسلامية او مسيحية
عند خروج اى فرد عن الاطار العام للعقيده يجب الجلوس معه ومحاورتة
انا كما سعيده بالحوار البناء معاك
يامايكل واتمنى قضايا الاخوة الاقباط
تصبح محل اهتمام المجتمع بأكملة
ارق تحياتي لك
مش عارف ياحضرة الزعيمه
الكلام معاكى مش عايز يخلص
وانتى برضه مواضيعك دسمه قوى
معلش طولى نفسك معايا
انتى قلتى :
فى الفترة السابقة واصل العلمانين المسلمين وشاركهم الاقباط
هجومهم ضد الموروث الديني والاجتماعي وطرحوا محطات للعقل
فتصدت لهم القيادات الدينية المتمثلة فى الازهر الشريف
بتهم الشرك والكفر وكان من ضحايا ذلك الكثير من المثقفين المسلمين
******************************
ممكن حضرتك تدينى امثلة؟
وحضرتك معتقده ان الموروث الدينى ماسبش محطات للعقل؟
ليه حضرتك معتقده ان ماكس مشيل وجورج بباوى اصلاحيين ماهموا ممكن تعتبريهم انقلابيين وثوريين أو محبى شهرة؟
وبعدين انا هافترض معاكى -انما مش حقيقى- ان فى صراع بين الاصلاحيين والدينيين المفروض نقف مع مين؟
وشكرا
سلام
hassan
ولا يهمك البوست بيتعمل للحوار
فعادى اننا نتناقش فية وياخد حقة
*******************
ممكن حضرتك تدينى امثلة؟
*******************
فية احمد صبحي منصور ونصر حامد ابوزيد
ونوال السعداوى واخرين
وان كنت لست معهم فى كثير من الامور
يعني نوال السعداوى لما تتكلم
على حقوق المراة فأنا معاها
لكن تيجي تتكلم فى الدين انا
مش معاها طبعا ومش موافقة على كثير من افكارها الدينية
بالنسبة لسؤال نقف مع مين
انا مش بقف مع اى حد فى كل البيقولة
يعني باخد افضل ما عند
وفى فكر كل الشخص
قال تعالى
( الذين يستمعون القول فيتبعون احسنة
صدق الله العظيم
يعني يجي الشيخ ابن جبرين يكفر الشيعه
انا مش معاه نهائيا بس يجي يتكلم
على حسن الخلق والامانة والعدل والاخلاص
اكون معاه وكذلك فى حكمي على اى انسان
زميلي الفاضل حسن
مش لازم ندافع عن شخصية بعينها
على طول الخط سواء بتقول الخطأ او الصواب .. دا من وجهه نظري
ارق تحياتي لك
جميل داليا طرحك
.
تكفير الاخرين والخروج عن الملة اصبح سلاح ضد اى انسان يطرح افكار خارجة عن العامة او المعروف عليها
انا شايف اننا نفتقد لااسلوب الحوار السليم وان كل طرف شايف انة صح والباقى على خطىء دون اعطاء فرصة للحوار وتبادل الافكار والمناقشة لها بطريقة سليمة
تحياتى
اهلا يا تامر
بتنور المواضيع دايما
وبيسعدني مشاركتك
*****************
انا شايف اننا نفتقد لااسلوب الحوار السليم وان كل طرف شايف انة صح والباقى على خطىء دون اعطاء فرصة للحوار وتبادل الافكار والمناقشة لها بطريقة سليمة
***********************
نعم هذا بالفعل ما نفتقده للاسف
مع ان الحوار سوف يؤدي لوضع حد لاى فتن
فبعد الحوار العقلاني والهادئ والمنطقي
لن يبقي سوي الصواب وما يقبلة العقل
لكن تهميش اى فكر بيؤدي لنتايج عكسية
فالمجتمع بينقسم على نفسة ويصبح
لكل فرد وجهه نظر مغايرة ويسود التوتر
شكرا لتواصلك
ارق تحياتي لك
ana ma3aki ya za3eema en el7asaseya di mawgooda 3and ela2baat ...
da tarasob seneen w seneen mn ayadi ghareeba bet7awel tefara2 been abnaa2 elsha3b elwa7ed.
ama 3an elesla7eyeen ... ana ma3a en ay ra2i mahman kaan yekoon leeh 7a2 elta3beer weltanafos be7oreya ... bas ana i3teqaadi en elmosle7een aw elli bey2oolo keda 3al aqal elli fel mahgar ... kol hadafhom 7asab ma ba7esso howa tashweeh som3et masr. maa3rafsh ba2a elli f masr le2ani mosh henak.
laken law feeh itegah 3elmaani masee7i fayageb alla yokabal.. le2an elmasee7eyeen bardo 3andohom kam men almoawroothat elli malhash ay lazma wta7tag leltagheer w geh elwa2t elli elmawrooth memma la rebaat laho beldeen enno yo2rasal ba2a men 7ayatna.
kaman ana ma3aki en elmafrood maykonsh feeh 7asaseya we en eldeen la yata7awal ila diktatoreya ta7tami beldeen lelta7akom fi 7ayatna.
ta3lee2 akheer mawdoo3 ta7reem en masee7i yedi damo le7ad moslem di ana mestaghrab ennaha teegi men el baba shnooda. Ana 7adart leqa2at w 2areet lel baba lamma kont f masr wa3raf enno ragel watani gedan... w ma3refti betaree2et tafkeero tekhaleeni masada2sh enno ye7aram 7aga zay keda...
la2en da lays men almasee7eya fi shee2...
ana awel wa7ed adi dami le2ay akh moslem fi ay wa2t ..
w 2akhooya lamma 3amal 3amaleyet tabdeel shoryaan fi masr kan zamayli almoslemeen men awa2el almotabare3een wa 2ana aw ay masee7i la yatawara3 abadan enno ye3mel nafs elshee2 kolona ekhwa.. la2 aktar kaman... e7na dam wa7ed w torab wa7ed...
ana mosh bat3an fi elkalam bas mosh mesada2o w argo enno yekoon ghalat.
mn mawaqef elbaba shnooda 3ala sabeel elmethaal enno 7arram 3ala elaqbaat enohom ye7ego ila elqods ma3 en eldawla sama7et bkeda w da tadamonan ma3 elfalastineyeen. w 2al talama elqods mo7tala falan nazhab ila alqods.
ana mabsoot men mo3algetik lelomoor di... law kol elnaas fi masr zayik elbalad di akeed hayensele7 7alha...
merci bgad en feeh nas zayik ... rabena yekhaleeko lemasr !!
el2ahwagi
سعيدة جدا بتعليق حضرتك
انا مش ضد اى موروث ديني
لكن برضة مش ضد التجديد فى قرءاة النصوص المقدسة بما لا يخل بالاصول
يعني الحياة بتتغير والعلم بيتقدم
واصبح على سبيل المثال اضطهاد جاليليو بسبب كروية الارض امر
غير مقبول الان
لكن للاسف الشديد حنكون فى مشكلة جديدة وهي مصداقية الاصلاحيين ورغبتهم الحقيقية هل هي الاصلاح ام اثارة المشكلات والفتن واعمال الشغب
لكن كل البطلبة هو مقاومة اى دعوى من دعاوي الاصلاحيين ليس بالتكفير
ولكن بالتفكير والتحدث معهم
حتي لا يصبح لهم حجة بعدها لترويج بضاعتهم الفكرية
بالنسبة للفتوي فليست للبابا شنودة بل هي للانبا بيشوي
اما البابا شنوده فالجميع يشهد لة برجاحة وسلامة وحكمة الراي والفكر
وهو محبوب من المسلمين قبل الاقباط
لانة رجل وطني حر ومفكر وشاعر كبير
ومن اجمل ما قال هو انة لن يسمح للاقباط بالحج للقدس الا فى فلسطين المحرره
تحياتي لك واشكرك على تواصلك
ومصر محتجالنا كلنا ومحتاجة اننا كمصريين سواء مسلمين او اقباط
نقف معا دون تفرقة ونرفض اى فتوي دينية تحدث فتنة بيننا وتضر بوحدتنا
نحن نتوحد من اجل مصر
كما نعيش من اجلها
ارق تحياتي لك
السلام عليكم
طبعا انا لا معاكي ولا ضدك انا ممكن اكون مع رأيك او ضد رأيك يا ريت تفهمي كده كويس
تعليقي جه متاخر قوي بس مش مهم
انا مش هعلق علي الموضوع انا هعلق علي كومنت انتي كتبتيه
انتي بتقولي ان لو الشيخ كفر الشيعه انا مش معاه هقولك امين
بس امتي ؟ لما يكون علمك اكبر من علمه ودراستك اعمق وعندك اسانيد اقوي
نفس الشئ في المسيحية
انا بالنسبه لي اكثر واحد عارف المسيحية البابا شنوده ( اللي انا بموت في كتاباته ) مش يجي اي واحد ويقعد يقول ويعمل ويقوم وندافع عنو
سيبو التسلسل الطبيعي ياخد مجراها
يعني مجيش انا طالب ابتدائي اجادل دكتور في الجامعه عن سبب الاصابه بسرطان الثدي لمجرد اني اخدت في المدرسه ان سرطان الثدي نوع من انواع السرطان المنتشره
-------------------
مع فائق احترامي
مهند المصري
Post a Comment
<< Home